काठमाडौं (हाम्रो खेलकुद) – रातो बंगला र जेम्स स्कुल दोस्रो संस्करणको टफिचु जुनियर च्याम्पियन्ससिप कप अन्तर विद्यलायस्तरीय फुटसल प्रतियोगिताको यु–१५ तर्फ क्वाटरफाइनलमा प्रवेश गरेका छन् ।

नेसनल स्पोर्टस् सेन्टर च्यासलमा भएको प्रतिस्पर्धाबाट रातो बंगलबा समूह ‘ए’ र जेम्स समूह ‘सी’ विजेता बन्दै अन्तिमा आठमा पुग्न सफल भएको हो ।

समूह ‘ए’ बाट पाठशालाले उपविजेता बन्दै अन्तिम आठमा स्थान पक्का ग¥यो । समूह ‘बी’ बाट एप्पल विजेता र प्रिमियर उपविजेता बन्यो । ‘सी’ बाट युनाइटेड उपविजेता बन्यो ।

समूह ‘डी’ बाट इपिएस र जेम्स स्कुले क्वाटरफाइनल यात्रा तय गरे । च्यासलमा यु–१५ तर्फ १५ स्कुलको सहभागिता रहेको थियो । क्वाटर, सेमि र फाइनल शनिबारै हुनेछ ।

यु–११ तर्फ रातो बंगला ‘ए’ र बी’ तथा एलए जेम्सले सेमिफाइनलमा भेट पक्का गरे । यु–१३ मा रातो बंगला, जेम्स स्कुल, रोजबड र एलएले सेमिफाइनलमा स्थान बनाए ।

टफिचु जुनियर च्याम्पियन्ससिप कप अन्तर विद्यलायस्तरीय फुटसल प्रतियोगिता उपत्यकाका ५ भेन्युमा भइरहेको छ । यु–११ बाहेक यु–१३ र यु–१५ तर्फको पाँच भेन्युको विजेता टफिचु जुनियर च्याम्पियन्ससिप कप अन्तर विद्यलायस्तरीय फुटसल प्रतियोगिताको च्याम्पियन बन्नेछ ।

यस प्रतियोगितथाको ब्रान्ड एम्वासडरको रुपमा राष्ट्रिय टोलीका पहिलो रोजाईका गोलरक्षक किरण चेम्जोङ रहेका छन् ।