पोखरा (हाम्रो खेलकुद)- विभागीय त्रिभुवन आर्मी क्लबका मानबहादुर श्रेष्ठ र दिल सुनारको जोडीले छैटो राष्ट्रिय बिच भलिबल प्रतियोगितामा विजयी सुरुवात गरेका छन् ।

मानबहादुर श्रेष्ठ र दिल सुनारको जोडीले कर्णाली प्रदेश ‘बी’ लाई २१–५ र २१–१३ को सोझो सेटले पराजित गर्दै विजयी शुरुवात गरेको हो ।
पुलिसका चन्द« कुंवर र तोरण चन्दको जोडीले पुरुषतर्फको स्पर्धामा चन्द« र तोरणको जोडीले एपीएफका महेन्द« श्रेष्ठ र विजय थापामगरको जोडीलाई २१–१८ र २१–९ को सोझो सेटमा पराजित गरे ।

गण्डकी प्रदेशका सन्जु विक्रम शाह र रमेश केसीको जोडीले पुलिसका धुव्र केसी र प्रकाश कटुवालको जोडलिाई २१–१२ र २१–१२ को सोझो सेटमा पराजित ग¥यो ।

महिलातर्फ पुलिसका कोपिला उप्रेती र निता शाहको जोडीले एपीएफका शशी चौधरी र पूजा चौधरीको जोडीलाई २१–६ र २१–१२, पुलिसकी मनिषा चौधरी र पुष्पा चौधरीको जोडीले गण्डकीका रुपा थापा र पूर्णिमा ठाकुरको जोडीलाई २१–१४ र २१–१५ को सोझो सेटमा हराउंदै विजयी सुरुवात गरेका छन् ।

महिलातर्फ नै एपीएफका विनिता बूढाथोकी र नेबिका चौधरीको जोडीले प्रदेश ५ का राधा बुढाथोकी र अन्जना बुढाथोकीको जोडीलाई २१–१३ र २१–५ तथा आर्मीकी मनिषा खाड र पुष्पाको जोडीले प्रदेश ३ लाई २१–१३ र २१–६ ले हराए ।
प्रतियोगिताको उद्घाटन गर्दै पूर्व प्रधानमन्त्री तथा नेपाल कम्यूनिष्ट पार्टीका अध्यक्ष पूष्प कमल दाहालले एक कार्यक्रमका बीच उद्घाटन गरेका थिए ।

असार ७ गते सम्म संचालन हुने प्रतियोगितामा महिला तर्फ १४ र पुरुष तर्फ १७ टिम गरि ३१ टिमको सहभागिता रहेको छ । प्रतियोगितामा नेपाल प्रहरी, सशस्त्र तथा नेपाली सेनाको गरी तीन विभागीय तथा सात प्रदेशका एक/एक टिमबाट पुरुष तथा महिलाको छुट्टाछुट्टै दुई/दुई टिम गरी कुल ४० टिमले प्रतिष्पर्धा गर्ने कास्की जिल्ला भलिबल संघका अध्यक्ष भिम पराजुलीले बताए ।
विजेता महिला तथा पुरुष टोलीले समान नगद ३०–३० हजार प्राप्त गर्नेछन् । द्वितीय हुनेले २०–२० हजार तथा तेस्रो हुने टोलीले १०–१० हजार प्राप्त गर्ने आयोजकले जनाएको छ । उत्कृष्ट महिला तथा पुरुष दुवै खेलाडीलाई पनि नगद ३–३ हजारबाट पुरस्कृत गरिने बताइएको छ । तीन दिनसम्म आयोजना हुने प्रतियोगिता सम्पन्न गर्न २२ लाख ५० हजार खर्च लाग्ने संघले जनाएको छ ।