मनितालाई कास्य, देवु र मोहन रेफ्री परीक्षामा उर्तिण

काठमाडौं (हाम्रो खेलकुद)- मनिता श्रेष्ठ ‘प्रधान’ ले थाइल्यानडको चियाङमाइमा आयोजना भएको थाइल्यान्ड इन्टरनेसनल जुडो नर्थ बैंकक च्याम्पियनसिपमा कास्य जितेकी छन् ।

मनिताले आफ्नो ५७ केजीमुनिको तौल समूहमा हङकङका खेलाडीलाई २ वाजारीमा पराजित गदै कास्य हात पारेकी हुन् । पहिलो बाउटा बाइ पाएर दोस्रो चरण प्रवेश गरेकी मनिता भियतनामकी खेलाडीसँग २ वाजरीमा पराजित भएकी थिइन् ।

तर, रेपिचेजको मौका पाएको मनिताले चीनकी खेलाडीलाई सिमेवाजामा पराजित गर्दै सेमिफाइनलमा स्थान बनाउन सफल भएकी थिइन् ।

सोही प्रतियोगिता दौरान आयोजना भएको आइजेएफ रेफ्री सेमिनार तथा परीक्षमा नेपालका देवु थापा र मोहन सुनुवारले उक्त परीक्षा उर्तिण गरेका छन् । उक्त परीक्षमा नेपालसहित २१ जना परीक्षार्थी सामले थिए ।