काठमाडौं (हाम्रो खेलकुद) – नेपाली राष्ट्रिय महिला भलिबल टोलीकी महत्वपूर्ण सदस्य कमला पुनको घुँडाको सफल शल्यक्रिया भएको छ ।

उनको शुक्रबार सफल शल्यक्रिया भएको कमलाले हाम्रो खेलकुदलाइ जानकारी गराइन् । नेपाल टिम र नेपाल पुलिस क्लबकी समेत हाल लिफ्ट पहिले लिवेरो रहेकी कमलाको खेल दौरान दायाँ घुँडाको चोट लागेको थियो । उनको घुँडामा पानी जमेको र लिगामेन्ट च्यातिएको बताइएको छ । बि एण्ड बी अस्पतालमा उनको शुक्रबार शल्यक्रिया भएको हो ।

सफल अप्रेसन भएलगत्तै उनले सामाजिक सन्जाल फेसबुकमा फेसबुक, म्यासेन्जर र फोनबाट स्वास्थ लाभको कामना गर्नुहुने सबैलाई धन्यवाद भनेर पोस्ट गरेका छन् ।

यससँगै कमलन कम्तीमा पनि ३ महिना वा त्यो भन्दा बढी पनि बाहिर रहनु पर्ने भएको छ । जाडो याममा घुँडामा समान्य दुखाई हुने भएले पनि गर्मी मौसममा भने बढी दुख्ने गरेको र एमआरआई गरेर हेर्दा पानी जमेको र लिगामेन्ट च्यात्तिएको डाक्टरले बताएपछि उनी अप्रेसनको लागि तयार भएकी थिइन् ।

गत महिना शेरबहादुर खड्का स्मृति प्रतिष्ठानले आयोजना गरेको केएपी महिला राष्ट्रिय भबिलका दौरान बढी दुःखाई भएका कारण जचाएको उनले बताइन् ।

चोटका वावजुद आफुले सभामुख कप, न्यु डायमन्ड, ढोरपाटन लिग, दिदीबहिनी कप, आइजिपी कप, आठौं राष्ट्रिय खेलकुद र शेरबहादुर खड्का स्मृति भलिबल गरी सात प्रतियोगितामा खेलेको उनले सुनाईन् ।

म्याग्दीमा जन्मिएकी कमला २०७० बाट राष्ट्रिय टोलीको नियमित सदस्य हुन् ।