6 years ago
May 26, 2019
प्रकाश तिमल्सिना, काठमाडौं
केहि वर्षयता नेपालमा तेक्वान्दो खेल विवादमा रहँदै आएको छ । नेपालका लागि अन्तर्राष्ट्रिय क्षेत्रमा सबैभन्दा सफल खेल हुनका बाबजुद पछिल्लो समय तेक्वान्दोको आधिकारिताको विषय विवादको कारण बन्दै आएको छ । एउटै खेलका दुई संघ राष्ट्रिय खेलकुद परिषद् (राखेप) मा दर्ता भएका कारण पनि तेक्वान्दो विवादमा छ ।
राखेपका यसअघिका सदस्य सचिव युवराज लामाको समयमा ( विस २०६७) तेक्वान्दो युनियन (राष्ट्रिय तेक्वान्दो युनियन) दर्ता दिएपछि प्रत्येक अन्तर्राष्ट्रिय प्रतियोगिताका दौरान विवाद चुलिने गरेको छ । नेपाल तेक्वान्दो संघ वर्षौ देखि अस्तित्वमा छ । जसको नेतृत्वमा संगिना वैद्यले सन् २००४ र दीपक विष्टले २००८ को ओलम्पिक छनोट भएर खेलेका थिए । नेपालको खेलकुद इतिहासमै छनोट भएर ओलम्पिक खेल्ने संगिना र दीपक मात्रै हुन् ।
लामो समयदेखि राखेपले यस विवादको स्थायी समाधान भने निकाल्न सकेको छैन । राखेप सदस्य सचिव केशवकुमार विष्टले भने अब विवाद चाँडै अन्त्य हुने र तेक्वान्दो संघ एउटा मात्र रहने दाबी गरेका छन् । उनले हाम्रो खेलकुदसँग भने, ‘म तपाईहरुको सञ्चारमाध्यममार्फत प्रष्ट पार्न चाहन्छु । तेक्वान्दो अब एउटा मात्र रहन्छ । ’
विगतमा समस्या समाधानका लागि केहि समस्या रहेको स्वीकार गर्दै विष्टले अब आफु जोखिम उठाएर भएपनि तेक्वान्दो एउटै बनाउनेमा दृढ रहेको बताए । ‘ म फेरि सदस्य सचिव भएर आउने भए भने केहि महिना लाग्ला । यदि म आउने सम्भावना भएन भने, म यो विवादको अन्त्य गर्नेछु । तेक्वान्दो संघ अब एउटै हुनेछ’, उनले भने, ‘सके सम्म दुवै पक्षलाई राखेर विवाद समाधान गर्नेछु । यदि त्यो सम्भव भएन भने कुन आधिकारिक, कुनले काम गरको छ, कसलाई अन्तर्राष्ट्रिय मान्यता छ । त्यो सबैलाई थाहा छ, त्यसका आधारमा हामी निर्णय लिनेछौं । जाने अघिल्लो दिन भएपनि निर्णय गरेर जानेछु । ढुक्क हुनुहोस् तेक्वान्दो एउटा मात्र हुनेछ । ‘
March 31, 2025
काठमाडौं (हाम्रो खेलकुद )- एपिएफ महिन्द्रा स्पोर्टस अवार्ड २०८१ यसै महिनाको अन्त्यमा हुने भएको छ। सशस्त्र प्रहरी बल नेपालको खेलकुद तथा शारीरिक सुगठन शिक्षालयअन्तर्गत नेपाल एपिएफ क्लबको आयोजना र अग्नी ईन्कोपर्पोरेटेड प्रा.लि. महिन्द्राको सहकार्यमा पहिलो पटक अवार्ड हुने लागेको हो । चैत २९ गते हुने अवार्डमा एपिएफ वर्षका उत्कृष्ट खेलाडी महिला,पुरुष,युवा, प्रशिक्षक,टिम, चर्चित खेलाडीसहित नगदसहित […]
March 31, 2025
सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]
March 24, 2025
काठमाडौं (हाम्रो खेलकुद)- ओलम्पिक काउन्सिल अफ एसिया (ओसिए) ले नेपाल घोडचढी संघका अध्यक्ष रवि राजकर्णिकारले सम्झौता पालना नगरेकोमा आश्चार्य व्यक्त गरेको छ। ओसिएका महानिर्देशक हुसैन अल मुसल्लमले सोमवार राजकर्णिकारलाई नेपाल ओलम्पिक कमिटी (एनओसी) विरुद्ध दायर मुद्दा अझै फिर्ता नलिएकोमा आश्चर्य व्यक्त गरेका हुन् । फागुन २७ गते कुवेतमा ओसिएको रोहवरमा एनओसीका अध्यक्ष जीवनराम श्रेष्ठ र […]