5 years ago
May 21, 2019
काठमाडौं (हाम्रो खेलकुद)- नेपाल प्रहरी खेलकुद समितिले प्रदेश ५ मा बैशाखमा सम्पन्न भएको आठौं बृहत राष्ट्रिय खेलकुद प्रतियोगिताको विभिन्न विधामा स्वर्ण, रजत र कास्यपदक जित्न सफल आफ्ना खेलाडीलाई मंगलबार नगदसहित सम्मानित गरेका छन् ।
विजेता खेलाडीहरुलाई सम्मान स्वरुप नेपाल प्रहरी खेलकुद समितिबाट स्वर्ण पदक विजेतालाई ५ हजार रुपैयाँ, रजत पदक विजेतालाई ३ हजार रुपैयाँ र कास्य पदक विजेतालाई २ हजार रुपैयाँ प्रदान गरिएको छ । यस्तै विभिन्न खेलहरुमा राष्ट्रिय कीर्तिमान राख्न सफल १५ जना खेलाडीहरुलाई जनही थप नगद ३ हजार रुपैयाँ प्रदान गरिएको छ ।
नेपाल पुलिस क्लब भृकुटीमण्डपमा मंगलबार आयोजित समारोहमा प्रहरी महानिरीक्षक तथा नेपाल प्रहरी खेलकुद समितिका अध्यक्ष सर्वेन्द्र खनालले प्रतियोगिताका विभिन्न विधामा पदक जित्न सफल खेलाडीहरुलाई सम्मानित गरे ।
आठौँ राष्ट्रिय खेलकुद प्रतियोगितामा २ हजार ६ सय ८८ पदको लागि नेपाल प्रहरीबाट २४ खेलमा २ सय १७ पुरुष, १ सय ५२ महिला र ८७ जना अफिसियल गरी कूल ४ सय ५६ जनाले सहभागी रहेका थिए । २०७५ चैत्र २७ गतेदेखि २०७६ वैशाख ११ गतेसम्म ५ नम्बर प्रदेशका विभिन्न जिल्ला तथा ललितपुर र पोखरामा सञ्चालित उक्त प्रतियोगितामा नेपाल प्रहरीका खेलाडीहरुले ५९ स्वर्ण, ५० रजत र ४५ कास्य गरी जम्मा १ सय ५४ पदक प्राप्त गरी दोस्रो स्थान हासिल गरेको थियो ।
पदक विजेता खेलाडीहरुलाई सम्मानित गर्दै प्रहरी महानिरीक्षक खनालले राष्ट्रिय र अन्तर्राष्ट्रियस्तरका प्रतियोगितामा प्रहरी संगठनको प्रतिनिधित्व गर्दै विभिन्न पदक जितेर राष्ट्रिय सम्मान बढाउन संगठनमा आवद्ध खेलाडीहरुको योगदान अतुलनीय रहेको बताए ।
उनले खेलकुदको क्षेत्रमा विकासमा चाहिने पूर्वाधार एवम् साधन श्रोतयुक्त बनाई खेल जगतमा भविष्य सुनिश्चित गरी खेलाडीहरुको व्यावसायिक जीवन र सामाजिक प्रतिष्ठा बढाउन नेपाल प्रहरी सदैव कटिवद्ध रहेको थपे ।
महानिरीक्षक खनालले विगतमा केही राम्रा खेलाडी पलायन समेत भएकोमा चन्ता व्यक्त गर्दै अबका दिनमा त्यो अवस्था आउन नदिने समेत प्रतिबद्धता व्यक्त गरे । यस्तै विज्ञान र प्रविधिमा बिशेष योगदान पु¥याएका प्रहरी हवल्दार पूर्ण बहादुर आलेलाई प्रशंसापत्रले सम्मानित गरेका छन् ।
September 21, 2024
काठमाडौं (हाम्रो खेलकुद)- विभागीय टोली नेपाल पुलिस क्लबले काभा महिला भलिबल क्लब च्याम्पियनसिपको उपाधिका लागि शनिवार उज्वेकिस्तानको हुमो भलिबल क्लबसँग प्रतिस्पर्धा गर्दैछ । माल्दिभ्सको मालेमा हुने खेल नेपाली समय अनुसार बेलुका ९ः१५ बजे सुरु हुनेछ। पुलिसले अपराजित रहँदै फाइनलमा स्थान बनाएको हो । पुलिसले लिग चरणको पहिलो खेलमा नै हुमोलाई ३-० सेटमा पराजित गरेको थियो। […]
September 20, 2024
सूर्य शुभचिन्तक , वीरगञ्ज बारा कोल्हबीकी मिना चौधरी मधेश युनाइटेडको लागि छनोट भएककी छिन्। योसँगै एभरेस्ट महिला भलिबल लिग (इडब्लुभिएल) खेल्नका लागि मधेशको टोलीले पूर्णता पाएको छ। इडब्लुभिएलका सहभागी टोली हरेकले ट्यालेन्ट हन्ट मार्फत एक जना खेलाडी छनोट गर्नुपर्ने प्रावधान छ। शुक्रवार वीरगञ्जको ज्ञानदा एकेडेमीको हलमा मधेशको ट्यालेन्ट हन्ट भएको थियो । बाराको जनशक्ति क्लबबाट […]
September 20, 2024
काठमाडौं (हाम्रो खेलकुद) – नेपाल पुलिस क्लबले काभा महिला भलिबल क्लब च्याम्पियनसिपमा अपराजित रहँदै लिग चरणको अन्त्य गरेको छ । लिगको आफ्नो अन्तिम खेल जितेको पुलिसले ५ खेल जितेर १४ अंक जोडेको छ । पुलिसले एक खेल अगावै फाइनलमा स्थान बनाएको थियो । शुक्रवार पुलिसले माल्दिभ्सको घरेलु टोली पुलिसलाई ३-१ को सेटमा हराएको हो । पहिलो […]