ताप्लेजुङ (हाम्रो खेलकुद) – दुई विभागिय टोली नेपाल पुलिस क्लबल र त्रिभुवन आर्मी क्लब तेस्रो पाथीभरा राष्ट्रिय पुरुष भलिबल प्रतियागिताको उपाधिका लागि भिड्ने भएका छन् ।

ताप्लेजुङको मैवाखोला गाउँपालिकास्थित साँघुमा बुधबार भएको पहिलो सेमिफाइनलमा पुलिसले गण्डकी प्रदेशलाई ३–० र अर्कोमा आर्मीले नेपाल एपिएफ क्लबलाई ३–१ ले हराउँदै फाइनल भेट पक्का गरेका हुन् ।

नारायणी माविको खेल मैदानमा साविक विजेता समेत रहेको पुलिसले गण्डकीलाई २५–१५, २६–२४ र २५–१७ को सेटमा पराजित गर्यो । आर्मीले एपीएफलाई २५–२१, २५–२०,२०–२५ र २६–२४ को सेटमा पराजित गर्यो ।

मैवाखोला गाउँपालिकाको व्यवस्थापन र जलजले युवा क्लबको आयोजनामा जारी प्रतियोगिताको फाइनल खेल बिहिबार हुनेछ । प्रतियोगिताको विजेताले ३ लाख ५१ हजार ५ सय तथा दोस्रो हुने टोलीले १ लाख ७६ हजार २ सय ५१ रुपैयाँ प्राप्त गर्नेछ ।

सेमिफाइनलमा पराजित दुई टोलीले समान ५० हजार रुपैयाँ पाउनेछन् । प्रतियोगिताको सर्वोकृष्ट खेलाडीले १५ हजार पाउने छन् । व्यक्तिगत विधामा उत्कृष्ट हुने सर्भर, डिफेन्डर, ब्लकर, क्विकर, स्पाइकर र प्रशिक्षकले समान ७ रुपैयाँ पाउने आयोजकले जनाएको छ ।