गोदावरी (हाम्रो खेलकुद) – प्रथम बिवाईसि मेयर कपको उद्घाटन खेलमा लम्की चुहा नगरपालिकाले विजयी सुरुवात गरेको छ ।

चुहाले गोदावरी नगरपालिकाको टिम बी लाई टाइब्रेकरमा ५–३ ले पराजित गर्यो । निकै प्रतिस्पर्धात्मक भएको खेलमा निर्धारित समयमा कुनै टिमले गोल गर्न नसक्दा खेल ट्राइबेकरमा गएको थियो । उत्कृष्ट प्रदर्शन गरेका चुहाका गोलरक्षक कमल शाही म्यान अफ दि म्याच घोषित भए । उनले ३ हजार रुपैयाँ हात पारे ।

पहिलो खेल भोली दिउसो साढे २ बजे घोडाघोडी नगरपालिका सुखड र पुर्नवास नगरपालिका कञ्चनपुर बिच हुनेछ भने साझ ४ बजे गोदावरी नगरपालिकाको टिम ए र भजनी नगरपालिका भजनी बिच हुने प्रतिायोगिताका संयोजक एबम् आयोजक बनदेवी युवा क्लबका उपाध्यक्ष प्रकाश शाहीले जानकारी दिए । प्रतियोगितामा देशैभरका विभिन्न गाउँपालिका, नगरपालिका र उपमहानगरपालिकाहरु गरी १० टिमले सहभागीता जनाएका छन् ।

बनदेवी युवा क्लबको आयोजनामा आजदेखि सुरु प्रतियोगिता १८ गतेसम्म संञ्चालन हुनेछ । प्रतियोगिताको विजेताले ३ र उपविजेताले १ लाख ५० हजार रुपैयाँ प्राप्त गर्नेछन्। बनदेवी युवा क्लबका अध्यक्ष शुसन जोशीको सभापत्विमा सुरु भएको उद्घाटन कार्यक्रममा गोदावरी नगरपालिका नगरप्रमुख हरि सिंह साउद प्रमुख अतिथी थिए ।