दिपक न्यौपाने
बुटवल – रुपन्देही लन टेनिस संघ र बुटबल लन टेनिस क्लबको आयोजनामा बुटबल लुम्बिनी खुला लन टेनिस अर्को महिना हुने भएको छ । फागुन ११ गते देखि प्रतियोगिता सुरु हुने बुधबार देविनगरस्थित एन्फा एकेडेमी सेन्टरको लन टेनिस कोर्टमा आयोजित पत्रकार सम्मेलनमा जानकारी दिइयो ।

प्रतियोगिता फागुन १६ गते सम्म सञ्चालन हुने रुपन्देहीका अध्यक्ष अशोक गुरुङले बताए । पुरुष एकलको विजेताले उपाधिसहित ५० हजार र दोस्रो हुने खेलाडीले २५ हजार रुपैयाँ पाउनेछन् ।

त्यस्तै महिला एकलको विजेताले पनि ५० हजार र दोस्रो हुने खेलाडीले २५ हजार रुपैयाँ पाउनेछन् । त्यस्तै पुरुष एकल ३५ बर्षमाथिको विजेताले ३५ हजार र दोस्रो हुने खेलाडीले २० हजार रुपैयाँ पाउनेछन् ।
मेन्स डबल्स ३५ वर्षमाथिको विजेता टोलीले १५ हजार र दोस्रो हुनेले १० हजार रुपैयाँ पाउनेछन् । पुरुष एकल ४५ वर्षमाथिको विजेताले २० हजार र दोस्रो हुनेले १० हजार रुपैयाँ पाउनेछन् । पुरुष डबल्स ४५ वर्ष माथिको विजेता टोलीले १५ हजार र दोस्रो हुनेले १० हजार रुपैयाँ पाउनेछ ।

पुरुष एकल ५५ वर्षमाथिको विजेताले २० हजार र दोस्रो टोलीले १० हजार रुपैयाँ पाउनेछन् । पुरुष डबल्स ५५ वर्षमाथिको विजेताले १५ हजार र दोस्रोले १० हजार रुपैयाँ पाउनेछन् ।

जिल्ला संघका सचिव गोपाल ज्ञवालीले बुटवलमा लन टेनिस आयोजा हुँदा मोफसलभर सकारात्मक सन्देश जाने बताए । संघका सल्लाहकार अर्जुनमान सैजु, देवसिद्ध टोल समितिका अध्यक्ष पूर्णानन्द गिरीले प्रतियोगिता सफल पार्न सबै क्षेत्रबाट सहयोग हुनुपर्नेमा जोड दिए ।