6 years ago
January 24, 2019
काठमाडौं (हाम्रो खेलकुद)- नेपाली दृष्टिबिहीन महिला क्रिकेट टोलीले पाकिस्तानमा आयोजना हुन लागेको प्रथम नेत्रहीन क्रिकेट सिरिजमा क्लिनसिट राख्ने लक्ष्य लिएको छ । टोलीलाई बिदाई गर्न आयोजना गरिएको कार्यक्रममा नेपाली टोलीका प्रशिक्षक रिजन प्रजुले घरेलु टोलीविरुद्धको पाँच टी–२० सिरिज क्लिनसिट राख्ने योजना बनाएको बताएको हो ।
सिरिज १३ माघबाट २३ माघसम्म आयोजना हुदैछ । ‘नेपालले यो भन्दा अघिल्ला अन्य संस्करणहरुमा भन्दा यसपटक प्रशिक्षण गर्ने लामो समय पाएको छ । अघिल्ला संस्करणहरुमा एक साता या १० दिनको प्रशिक्षण हुने गर्दथयो ।
यसपटक १६ दिन लामो प्रशिक्षण पाएको छ । यसबीचमा खेलाडीहरुले अनुभव बटुल्ने माका पाएको छ,’ प्रशिक्षक रिजन प्रजुले भने, ‘विपक्ष टोलीहरुले पनि ६ महिना अघिबाट टिम बनाएर प्रशिक्षण थालेको भन्ने सुनेको छु । तर, मेरो टिमले सिरिज नै क्लिनसिट गर्न सक्न क्षमता छ । हामीले यसअघि पनि इंग्ल्यान्डमाथिको सिरिज क्लिनसिट गरेका थियौं । त्यही इतिहास पाकिस्तानविरुद्ध पनि दोहोरिनेछ ।’
उनले नेपाली टोलीका खेलाडीहरुले आफ्नो प्रर्दशनलाई कसरी एक्सप्रेस गर्ने भन्नेमा आतुर रहेको समेत बताए । यस्तै प्रशिक्षक प्रजुले पाकिस्तानलाई हल्का रुपमा नलिने थपे । टोलीका कप्तान भगवती बरालले तयारी राम्रो भएको कारण पाकिस्तानलाई हराउने बताईन् ।
नेपाली टोलीलाई बिहीबार राष्ट्रिय खेलकुद परिषद (राखेप) का उपाध्यक्ष पिताम्वर तिम्सिना, दुष्टिविहीन क्रिकेट संघका अध्यक्ष पवन घिमिरे र साहस स्पोर्टस्का प्रवन्ध निर्देशक जनक न्यौपाने लगायतले एक कार्यक्रमकाबीच बिदाई गरे ।
नेपाली टोली शनिबार त्यसतर्फ प्रस्थान गर्नेछ । नेपाली टोली अमृतसरसम्म प्लेनबाट, त्यहाँबाट गाडीमा लाहोर पुग्नेछ । नेपालले पाकिस्तानसंग तीन फरक शहरमा ५ खेलको सिरिज खेल्नेछ । नेपालले पहिलो खेल २९ जनवरीमा लाहोरमा खेल्नेछ । ३१ जनवरीमा दोस्रो, १ फेब्रुअीमा तेस्रो, ४ फेब्रुअीमा चौथो तथा ४ फेब्रुअरीमा पाँचौ तथा अन्तिम खेल खेल्नेछ ।
खेल लाहोर, फैसलावाद र इस्लामावादमा हुनेछ ।
नेपाली टिमः भगवती बराल (कप्तान) भगवती अमगाई आशा रेग्मी मनकेसी चौधरी सुश्मा तामाङ आशिका डगौरा गीता पौडेल विनिता पुन हिता गुरुङ मुना अर्याल रितादेवी थापा सरिता घिमिरे विमला राई आयुष्मा क्षेत्री भुमा खरेल
September 19, 2024
काठमाडौं (हाम्रो खेलकुद)- प्रयास मञ्च नेपालले खेलकुद क्षेत्रबाट प्राप्त गरेको उपलब्धि तथा खेलकुदको विकास र विस्तारमा पुर्याएको योगदानको कदर गर्दै एथलेटिक्स खेलाडीसहित खेलकर्मीलाई बिहीवार सम्मान गरेको छ । कमलादीस्थित नेपाल प्रज्ञा प्रतिष्ठानमा मञ्चले आयोजना गरेको बुद्धवीर लामा तेह्रौं गीतिमय सांगीतिक साँझका अवसरमा उनीहरुलाई सम्मान गरेको हो । पूर्व धावक गीतकार लामा गत असारमा बंगलादेशको ढाकामा […]
September 19, 2024
काठमाडौं (हाम्रो खेलकुद)- पाँचौं मिष्टर काठमाडौं शारीरिक सुगठन प्रतियोगिताका विजेता प्रकाश राईको शव श्रद्धाञ्जलीका लागि शुक्रवार त्रिपुरेश्वरस्थित राष्ट्रिय खेलकुद परिषद् (राखेप) को परिसरमा राखिने भएको छ। काठमाडौं जिल्ला शारीरिक सुगठन तथा फिटनेस संघका अध्यक्ष सुरेश सुवेदीले श्रद्धाञ्जलीको लागि राईको शव दिउँसो २:३० बजेदेखि राखेप परिसरमा राखिने छ जानकारी दिए। संघले राईलाई श्रद्धाञ्जली दिन शारीरिक सुगठन […]
September 19, 2024
हेटौंडा (हाम्रो खेलकुद)- पेरिस पारालिम्पिक्सकी कास्य पदक विजेता पारा तेक्वान्दोकी पलेशा गोवर्धन र एसियाली खेलकुद (एसिया) की रजत पदक विजेता करातेकी एरिका गुरुङलाई बागमती प्रदेश सरकारले नगदसहित सम्मान गरेको छ। हेटाैंडास्थित मुख्य मन्त्री कार्यालयमा बिहीवार आयोजित कार्यक्रममा पलेशा, एरिका, उनीहरूका प्रशिक्षक तथा तेक्वान्दो र करातेको प्रदेश संघलाई नगदबाट सम्मान गरिएको हो। पलेशालाई १० लाख, एरिकालाई […]