पोखरा (हाम्रो खेलकुद) – दुई विभागिय टोली नेपाल एपिएफ र नेपाल पुलिस तथा प्रदेश ३ र गण्डकी प्रदेश दोश्रो सभामुख कप महिला राष्ट्रिय भलिबल प्रतियोगिताको सेमिफाइनलमा पुगेको छ ।

एपिएफले पहिलो क्वार्टरफाइनलमा त्रिभुवन आर्मी क्लबलाई २५–१५,२५–१९ र २५–१६ को सोझो सेटमा हरायो । अर्को खेलमा गण्डकी प्रदेशले प्रदेश ५ लाई २५–१३,२५–६ र २५–१७ को सोझो सेटमा हराउँदै अन्तिम चारमा प्रवेश गरेको छ । एपिएफ र गण्डकी प्रदेशबीच सेमिफाइनलमा प्रतिस्पर्धा हुनेछ ।

प्रदेश ३ ले प्रदेश १ लाई २५–३,२५–१४ र २५–१० को सोझो सेटमा हरायो । अर्को खेलमा पुलिसले प्रदेश २ लाई २५–१४,२५–१४ र २५–१२ को सेटमा पराजित गरेको छ । अब सेमिफाइनलमा पुलिस र प्रदेश ३ बीच प्रतिस्पर्धा हुनेछ ।

राष्ट्रिय खेलकुद परिषदको आयोजना तथा पश्चिमाञ्चल क्षेत्रिय खेलकुद बिकास समितीको संयोजनमा संचालन भइरहेको प्रतियोगितामा विजेताले ३ लाख ५० हजार , दोश्रो टोलीले १ लाख ७० हजार रुपैयाँ प्राप्त गर्नेछ । त्यस्तै तेश्रोले १ लाख र चौथोले सान्त्वना स्वरुप ५० हजार रुपैयाँ प्राप्त गर्नेछ ।

सर्वोत्कृष्ट खेलाडीले १० हजार रुपैयाँ प्राप्त गर्ने प्रतियोगिताका अन्य उत्कृष्ट विधाहरुमा बेष्ट स्पाईकर, बेष्ट ब्लकर, बेष्ट सर्भर, बेष्ट सेटर, बेष्ट लिब्रो, वेष्ट प्रशिक्षकले समान ५ हजार रुपैयाँ पराजित गर्नेछन् ।