काठमाडौं (हाम्रो खेलकुद)– भारत दोस्रो दक्षिण एसियाली यु–२१ ब्याडमिन्टन च्याम्पियनसिपको मिक्स टिम इभेन्ट्समा च्याम्पियन बनेको छ । हल्चोकस्थित सशस्त्र प्रहरी बलको कभर्डहलमा बिहीबार भएको फाइनलमा भारतले आयोजक नेपाललाई ३–१ ले पराजित गर्दै उपाधि रक्षा गरेको छ ।

नेपाल ब्याडमिन्टन संघको आयोजनामा भएको प्रतियोगिताअन्तर्गत मिक्स टिमको फाइनलमा भारतले महिला एकल, पुरुष युगल तथा महिला युगलमा नेपाललाई पराजित ग¥यो । पुरुष एकलमा भने नेपालले भारतलाई पराजित ग¥यो ।

पुरुष एकलमा नेपालका नविन श्रेष्ठले भारतका प्रियान्सु रजावतलाई २१–१२ र २१–१७ को सोझो सेटमा पराजित गरे । अन्य खेलमा नेपालका खेलाडी राम्रो खेल्न सकेनन् । महिला एकलमा नेपालकी रशिला महर्जन भारतकी माल्भिका बासोदसँग २१– ८ र २१–५ को सोझो सेटमा पराजित भइन् ।

पुरुष जोडीमा नविन र प्रिन्स दाहालको जोडीले भारतका बिष्णुबर्दन गाउड पन्जला र ध्रुव रावतको जोडीलाई २१–१५ र २१–१७ ले नतिजा सुम्पियो । महिला युगलमा नेपालकी जेशिका गुरुङ र रञ्जना भट्टको जोडी भारतकी पूर्वा बार्भे र तानिशा क्राष्टोका जोडीसँग २१–५ र २१– ५ ले पराजित भयो ।

नेपाल अघिल्लो संस्करमा पनि दोश्रो भएको थियो । बंगलादेश र श्रीलंका तेस्रो स्थानमा भए । तीन दिने च्याम्पयनसिपमा आयोजक नेपालसहित भारत, बंगलादेश, मालदिभ्स र श्रीलंकाको सहभागिता रहेको थियो ।