काठमाडौं (हाम्रो खेलकुद) –भारत दोस्रो दक्षिण एशियाली यु–२१ क्षेत्रीय ब्याडमिन्टन च्याम्पियनसिपको मिक्स टिम इभेन्ट्सतर्फ सेमिफाइनलमा प्रवेश गरेको छ । हल्चोकस्थित एपीएफ क्लबको कोर्टमा मंगलबार भएको टिम इभेन्टस भारतले बंगलादेशमाथि ५–० को जित निकाल्दै अन्तिम चारमा पुग्न सफल भएको हो ।

भारत समूह ‘ए’ को विजेता हुँदै सेमिफाईनल प्रवेश गरेको हो । भारतसँग पराजित भएपनि बंगलादेश समूह उपविजेताको रुपमा अन्तिम चारमा प्रवेश गर्न सफल भयो । टिम इभेन्टस्मा भारत, बंगलादेश, नेपाल, श्रीलंका र मालदिभ्स गरि पाँच राष्ट्रको सहभागिता रहेको छ । नेपाल, श्रीलंका र माल्दिभ्ससँगै समूह ‘बी’ मा रहेको छ ।

पुरुष एकलमा भारतका ध्रुव राउतले बंगलादेशका एसएसएम शिव गाथुल्लालाई २१–१७ र २१–१८ ले पराजित ग¥यो । महिला एकलमा माल्दिभ्सका बान्सोदले बंगलादेशकी उर्मी अख्तरलाई २१–४ र २१–९ ले हराईन् । पुरुष युगलतर्फ भारतका बिष्णु बरदान र प्रियान्सु राजवतको जोडीले बंगलादेशका गौरव सिंह मंगल सिंहको जोडीलाई २१–१४ र २१–९ ले पराजित गर्यो ।

महिला युगलतर्फ पूर्वा बर्भे र तनिशा क्रोष्टाको जोडीले बंगलादेशका उर्मी अख्तर र रश्मा अख्तरको जोडीलाई २१–११ र २१–९ ले हरायो । । मिक्स युगलतर्फको खेलमा बिष्णु बरदान र तनिशा क्रोष्टाको जोडीले बंगलादेशका शिव गाथुल्ला र फारविन बिन्ता ईमदाललाई २१–८ र २१–८ ले जित निकाल्दै ५–० को जित निकाल्यो ।

समूह ‘बी’ को पहिलो लिग खेलमा श्रीलंकाले माल्दिभ्सलाई ४–१ ले पराजित ग¥यो । श्रीलंकाका रनतोष्का सासिन्दुले मालदिभ्सका अहमद निवाललाई २१–१३ र २१ र ११ ले, महिला एकलमा दिल्मी दियासले अमिनाती नविहालाई २१–६ र २१–११ले, पुरुष युगलमा चामथ दियास र चिराथिल्लेप ईरामारोचीको जोडीले मोहम्मद अकिफ र मोहम्मद राफाको जोडीलाई २१–७ र २१–१० ले तथा हासिनी अम्बलाङ्गो दुग र दिल्मी दियाको जोडीले अमिनाती नविहाको जोडीलाई २१–१० र २१–१९ ले पराजित गरे ।

मिक्स युगलको खेलमा भने माल्दिभ्सले जित निकाल्यो । माल्दिभ्सका निवाल अहमद र फथमा नवाहको जोडीले रन्थुस्का र हासरा विजेवर्दनेको जोडीलाई २१–१९, १५–२१ र २१–१८ ले पराजित गरे । नेपाल र श्रीलंकाबीच भएको मिक्स टिम ईभेन्ट्समा नेपालले ३–२ को जित निकाल्यो । पुरुष एकलमा नेपालका नविन श्रेष्ठले श्रीलंकाका रन्थुस्का ससिन्दुलाई २२–२० र २१–१३ ले हराए ।

महिला एकलतर्फ रशिला महर्जन दिल्मी दियाससँग १२–२१ र १२–२१ ले पराजित भईन् । पुरुष युगलतर्फ नविन र प्रिन्स दाहालले श्रीलंकाका चिराथ ईल्लेपरुमाराची र चामाथ दियासको जोडीलाई २१–१८, २३–२१ ले पाखा लगाए । महिला जोडीतर्फ रशिला महर्जन र जेशिका गुरुङको जोडी श्रीलंकाका दिल्मी दियास र हासिनी अम्बालाङदेको जोडीसँग २१–१३ र २१–८ ले पराजित भए ।

यस्तै मिक्स जोडीतर्फ प्रिन्स दाहाल र रशिला महर्जनको जोडी श्रीलंकाका रन्थुस्का र दिमी दियासको जोडीलाई २१–१९, २१–१३ को जित निकाल्यो नेपालले अन्तिम चारको यात्रा तय गर्न बुधबार हुने माल्दिभ्ससँगको खेलमा जित निकाल्नु पर्नेछ ।