काठमाडौं (हाम्रो खेलकुद) – स्याङ्जा क्रिकेट एकेडेमी र सनराइज क्रिकेट एकेडेमी महेन्द्रनगर राजधानीमा जारी मिलानो नेक्सस कप यु–१६ टी–२० क्रिकेट प्रतियोगितामा विजयी भएका छन् ।

मुलपानी क्रिकेट मैदानमा शनिबार भएको खेलमा स्याङ्जा क्रिकेट एकेडेमीले लालिगुरास क्रिकेट एकेडेमी झापालाई ८ विकेटले पराजित गरेको हो । झापाले दिएको ८५ रनको सामान्य लक्ष्य स्याङ्जाले ८ ओभर ३ बलमा २ विकेट गुमाएर पुरा गर्यो । स्याङ्जाका अनित बरालले २७ रन बनाए । मनोज गौतमले २१ रन तथा सुजन गौतमले १७ रन जोडे । झापाका उज्ज्वल राजवंशी र स्वागत उप्रेतीले समा १–१ विकेट लिए ।

त्यसअघि टस हारेर पहिले ब्याटिङको निम्तो पाएको झापाले १८ ओभर ३ बलमा सबै विकेट गुमाएर ८४ रनको सामान्य योगफल तयार पारेको थियो । झापाका आकाश खत्रीले ३२ रन बनाएपनि अन्य ब्याट्सम्यानले दोहोरो अंक जोड्न सकेनन् । स्याङ्जाका गणेश बस्यालले ३ तथा सुदिप गौतम, गोबिन्द खत्री र क्रिस भण्डारीले समान २–२ विकेट लिए । स्याङ्जाका गणेश बस्याल म्यान अफ दि म्याच घोषित भए ।

शनिबारै भएको अर्को खेलमा सनराईज महेन्द्रनगरले आयोजक नेक्सस बी लाई ८ विकेटले पराजित ग¥यो । ५० रनको सामान्य लक्ष्य महेन्द्रनगरले ५ ओभरमा २ विकेट गुमाएर भेट्टायो । महेन्द्रनगरका सुवोध ऐर र दीपक बोहोराले ३४ रनको साझेदारी गर्दै जित दिलाए ।