सिन्धुपाल्चोक(हाम्रो खेलकुद)- तेस्रो संस्करणको हेलम्बु ट्रेल म्याराथनको उपाधि किरण कुलुङले जितेका छन् । सिन्धुपाल्चोकको हेलम्वुमा भएको म्याराथनमा कुलुङले निर्धारित दुरी ४ घन्टा ३२ मिनेट ३० सेकेन्डमा पुरा गर्दै उपाधि जित्न सफल भएका हुन् ।

४ घन्टा ३८ मिनेट ४५ सेकेन्डमा दुरी पूरा गर्दै सुमन कुलुङले दोस्रो स्थान हात पारे । सन्तोष खालिङले ५ घन्टा ५२ मिनेट ३० सेकेन्डमा दुरी पुरा गर्दै तेस्रो स्थान हात पारे ।

भेट्रान्सतर्फ गंगालाल तामाङ पहिलो, भीम बहादुर गुरुङ दोस्रो तथा दावा जङ्वु शेर्पाले तेस्रो स्थान हात पारे । महला ५ किलोमिटरतर्फ निमा डोल्मा ह्योल्मो पहिलो, श्रीसन शिल्पकार दोस्रो र प्रकृति सुवालले तेस्रो स्थान हात पारिन् ।

विद्यार्थी ५ किलोमिटरमा सुगर श्रेष्ठले पहिलो स्थान हात पारे । दावा दोर्जे ह्योल्मो दोस्रो तथा प्रविन बोहराले तेस्रो स्थान हासिल गरे । । ५ किलोमिटर खुल्ला पुरुषतर्फ पेमा टासी ह्योल्मोले निर्धारत दुरी २५ मिनेट ७ सेकेन्डमा पुरा गर्दै पहिलो भए ।

दावा लामाले ३१ मिनेट २६ सेकेन्डमा दुरी पर गर्दै दोस्रो तथा ३२ मिनेट २० सेकेन्डमा दुरी पुरा गर्दै निनो शेर्पाले तेस्रो स्थान हात पारे । महिलातर्फ रेखा विष्टले पहिलो स्थान हात पारिन् । यस विधामा अन्य धाविकाले दौड पुरा गर्न सकेनन् ।

ट्रेलको फुल म्याराथनको विजेता बनेको किरण कुलुङले २५ हजार प्राप्त गरे । दोस्रो भएको सुमनले १५ हजार तथा तेस्रो भएको सन्तोषले १० हजार रुपैया प्राप्त गरे । प्रतियोगितामा ४७० स्वदेशी र ३० विदेशी खेलाडीको सहभागिता रहेको थियो ।