काठमाडौं (हाम्रो खेलकुद)– राष्ट्रिय महिला भलिबल प्रतियोगिताको २२ औं संस्करण मंगलबार बागलुङमा सुरु हुदैछ । ३ विभागिय टोली र ७ प्रदेश गरि १० टोलीको सहभागितामा प्रतियोगिता असोज २७ गते सम्म चल्नेछ ।

फाइल तस्बिर

नेपाल भलिबल संघको आयोजना तथा बाग्लुङ जिल्ला भलिबल संघको व्यवस्थापन रहेको प्रतियोगितालाई गल्कोट नगरपालिकाले ८  लाख रुपैयाँ सहयोग गरेको बागलुङ जिल्लासंघका अध्यक्ष यमवहादुर श्रीसले जानकारी दिए ।

लिगकम नकाउटका आधारमा संचालन हुने प्रतियोगितामा सहभागी १० टोलीलाई दुई समूहमा विभाजन गरिनेछ । हरेक समूहका शीर्ष दुई टोलीले सेमिफाइनलमा स्थान बनाउनेछ । संघले यो प्रतियोगिताबाट राष्ट्रिय टोलीका लागि २४ खेलाडीको छनोट गरिने बताइएको छ ।

प्रतियोगिताको विजेताले ५०, दोस्रोले ३० र तेस्रोले २० हजार पाउने छन् । प्रतियोगिताको सर्वोत्कृष्ट खेलाडीले १० हजार रुपैयाँ पाउनेछन् । त्यस्तै उत्कृष्ट स्पाइकर, सर्भर, लिबेरो, सेटर र ब्लकरलाई समान ५ हजार रुपैयाँ पाउनेछन् ।

प्रतियोगिताका लागि गल्कोट स्पोर्टस् क्लब जापान र गल्कोट समाज जापानले २ लाख ५० हजार सहयोग गरेको बताइएको छ । त्यस्तै बागलुङ समाज दक्षिण कोरियाले पनि १ लाख रुपैयाँ सहयोग गरेको बताइएको छ ।