विमला र पुनम विश्व महिला बक्सिङको लागि छनोट

काठमाडौं (हाम्रो खेलकुद)– विभागीय त्रिभुवन आर्मी क्लबकी विमला श्रेष्ठ र पुनम रावल अर्को महिना भारतमा आयोजना हुने विश्व महिला बक्सिङ प्रतियोगिताका लागि छनोट भएकी छन् ।

विश्व महिला बक्सिङ च्याम्पियनसिप अन्र्तगत राजधानीमा मंगलबार भएको छनोटको फाइनल खेलमा आर्मीकी विमलाले ५१ केजी तौल समूहमा आफ्नै क्लबकी मिनु गुरुङलाई ५–० को अंकको आधारमा पराजित गर्दै छनोट हुन सफल भएकी हुन् ।

दुई दिनसम्म चलेको छनोटको ६० केजी तौल समूहमा पुनम रावलले एपीएफकी संगीता सुनारलाई ३–२ को प्रतिस्पर्धात्मक खेलमा पराजित गर्दै छनोट हुन सफल भएकी हुन् ।

आाइवा विश्व महिला बक्सिङ च्याम्पियनसिप भारतको नयाँ दिल्लीमा आगामी नोभेम्बर १४ देखि २५ सम्म हुँदैछ ।

यसैबीच पुनम र बिमलालाई खेलकुद प्रवद्धन संस्थाका पुस्करराज पन्त र बक्सिङका मुख्य प्रशिक्षक प्रकाश थापामगरको विमदा र पुनमलाई नगद ५–५ हजारले प्रोत्साहन पुरस्कार प्रदान गरिएको थियो ।