6 years ago
October 1, 2018
काठमाडौं (हाम्रो खेलकुद) –त्रिभुवन आर्मी क्लबकी विमला श्रेष्ठ र नेपाल एपीएफ क्लबकी मिनु गुरुङ राजधानीमा जारी विश्व महिला बक्सिङ प्रतियोगिताको लागि भएको छनोट खेलको फाइनलमा प्रवेश गरेकी छन् ।
सातदोबाटोस्थित बक्सिङ हलमा सोमबार भएको छनोट प्रतियोगिताअन्तर्गत महिला ५१ केजी तौल समूहको सेमिफाइनलमा आर्मीकी विमलाले एपीएफकी नन्जा बुढामगरलाई अंककै आधारमा पराजित गर्दै फाइनलमा प्रवेश गरिन् । उनले नन्जामाथि ५–० को सहज जित निकालेकी थिइन् ।
सोमबारनै भएको पहिलो सेमिफाइनलमा एपीएफकी मिनुले मकवानपुरकी सन्जु माया थिङलाई अंकका आधारमा हराइन् । एकपक्षीय खेलमा मिनु ५–० ले विजयी भएकी थिइन् । भारतको नयाँदिल्लीमा आगामी कात्तिक २९ गतेदेखि हुने प्रतियोगिताका लागि खेलाडी छनोट गर्नका लागि नेपाल बक्सिङ संघले प्रतियोगिता संचालन गरेको हो ।
विश्व महिला बक्सिङ प्रतियोगितामा नेपालले दुई तौल समूहमा सहभागिता जनाउने छ । ५१ र ६० केजी मुनिमा एक एक जना खेलाडीले नेपालको प्रतिनिधित्व गर्नेछन् । ६० केजीमा सहभागिता जनाउनका लागि आर्मीकी पुनम रावल र एपीएफकी संगीता सुनारबीच प्रतिस्पर्धा हुनेछ ।
January 12, 2025
काठमाडौं (हाम्रो खेलकुद)- नेपाल र भारत सिक्किमका विद्यार्थी सम्मिलित यु ११, यु १३ र यु १५ अन्तर विद्यालय बुद्धिचाल प्रतियोगिताको दोश्रो दिन आइतवारसम्म आइपुग्दा पाँचौं चरणका खेल सकिएका छन्। किर्तिपुर स्थित पुष्पसदन विद्यालयमा जारी प्रतियोगिताको छात्र तर्फ यु १५ समूह अन्तर्गत सिक्किम चेस एसोसियसनका आभनिष प्रधानले शत प्रतिशत जित निकालेकी छिन् । आभनिषले ५ अंक […]
January 12, 2025
काठमाडौं (हाम्रो खेलकुद)- बंगलादेशमा नेपाललाई ऐतिहासिक स्वर्ण पदक दिलाएका सदभाव आचार्य सहित नेपाली गल्फ टोली आज स्वदेश फर्किएको छ। शनिवार सम्पन्न ३८औं बंगलादेश एमेच्योर गल्फ च्याम्पियनसिपमा सदभावले एकल र उनी सम्मिलित टोलीले टिम इभेन्टमा स्वर्ण पदक जितेको थियो। त्रिभुवन अन्तर्राष्ट्रिय विमानस्थलमा नेपाल गल्फ संघका वरिष्ठ उपाध्यक्ष पवित्र कुमार कार्की, महासचिव दिपक आचार्य तथा सदस्य दीपक […]
January 11, 2025
काठमाडौं (हाम्रो खेलकुद)- टिप टप न्यु डायमण्ड स्पोर्टस क्लबले आफ्ना दुई खेलाडीलाई शनिवार बिदाइ गरेको छ। न्यु डायमण्डका उत्पादन पर्वतको फलेबास नगरपालिका ५ की रिमा कुँवर र स्याङ्जा वालिङ नगरपालिका १० की अलिशा मानन्धरलाई क्लबले औपचारिक कार्यक्रमसहित बिदाइ गरेको हो। व्यवसायिक भलिबलका लागि रिमा र अलिशा नेपाल पुलिस क्लबमा आबद्ध भएपछि न्यु डायमण्डले बिदाइ गरेको […]
