प्रेरणा र निक टेनिस च्याम्पियन

काठमाडौं (हाम्रो खेलकुद)-प्रेरणा कोइराला र निक रासट्रप तेस्रो वर्सेटेनर ललितपुर जिल्ला राष्ट्रिय टेनिस प्रतियोगिताको च्याम्पियन बनेका छन् । प्रेरणा महिला एकलतर्फ र निक पुरुष एकलतर्फ च्याम्पियन बनेका हुन् ।

सातदोबाटोस्थित टेनिस कोर्टमा बुधबार भएको खेलमा प्रेरणाले साविकको विजेता माहिका राणालाई २–१ को सेटमा पराजित गर्दै च्याम्पियन बनिन् । पहिलो सेट ६–० को सोझो सेटमा गुमाएपनि प्रेरणाले त्यसपछिको दुवै सेटमा प्रेरणाले उच्च प्रदर्शन गर्दै ६–३ र ६–२ को सहज जित निकाल्न सफल भइन् ।

पुरुष एकलतर्फ निकले जितेन्द्र परियारलाई २–१ को सेटमा पराजित गर्दै उपाधि जित्न सफल भए । निकले पनि पहिलो सेट ४–६ ले गुमाए । तर, त्यसपछिको दुवै सेटमा निक हावी बने । प्रतिस्पर्धात्मक दोस्रो सेटमा निकले ७–५ को संघर्षपूर्ण जित निकाल्दा तेस्रो सेटमा ६–३ को सहज निकाल्न सफल भए । यो उनको पहिलो उपाधिसमेत हो ।