काठमाडौं (हाम्रो खेलुकद)- गण्डकी प्रदेश र थ्री स्टार एकेडेमी राजधानीमा जारी पाँचौ ढोरपाटन एम–१५० राष्ट्रिय खुला पुरुष भलिबल प्रतियोगिताको समूह विजेताको रुपमा क्वाटरफाइनलमा प्रवेश गरेको छ ।

गण्डकीले समूह चरणको अन्तिम खेलमा पाल्पालाई ३–० को सोझो सेटमा पराजित गर्दै समूह ‘डी’ विजेताको रुपमा अन्तिम आठमा पुग्न सफल भएको हो । थ्री स्टार समूह ‘सी’ बाट विजेताको रुपमा क्वाटरफाइनलमा स्थान पक्का गरेको हो ।

नयाँ बसपार्कस्थित ढोरपाटन क्लबको खेल मैदानमा मंगलबार भएको खेलमा गण्डकीले पहिलो सेटमा २५–१४ को जित निकाल्यो । दोस्रो सेटमा पनि २५–१५ को सहज जित निकालेको गण्डकीले तेस्रो सेटमा २५–१९ को जित निकाल्यो । समूहमा तीन खेलबाट ९ अंक जोड्यो ।

यो समूहबाट एक टोलीको टुङ्गो लाग्न बाँकी छ । मंगलबारै भएको पहिलो खेलमा पाल्पाले धादिङमाथि २५–८, २५–११ र २५–८ को सहज जित निकालेको थियो । यो समुहबाट चितवन टाइगर र पाल्पामध्ये एक टिमले अन्तिम आठमा स्थान बनाउनेछ ।

थ्री स्टारले समूह चरणको अन्तिम खेलमा सुर्यदीप कलेजलाई २५–१६, २५–१३ र २५–१५ ले पराजित गर्दै समूह विजेताको रुपमा अन्तिम आठमा स्थान पक्का ग¥यो । वडिगार्ड गाउपालिकाले सुर्योदय क्लबमाथि ३–१ कोजित निकाल्यो ।

प्रतियोगिता अन्र्तगत बुधबार समूह चरणका अन्तिम खेलहरु हुनेछ । समूह ‘बी’ को अन्तिम खेलमा सुर्योदय क्लबले एपीएफको सामना गर्नेछ । ढोरपाटन ‘ए’ ले बेल्कु धादिङ, चितवन टाइगरले पाल्पा, सुर्यदीप कलेजले बुढानिलकन्ठ र ग्ल्यासियर कलेजले बडिगार्ड गाउपालिकासँग खेल्नेछ ।