काठमाडौं (हाम्रो खेलकुद)- विभागीय नेपाल एपीएफ क्लब र चितवन टाइगरले राजधानीमा आजबाट शुरु भएको पाँचौं संस्करणको ढोरपाटन एम १५० खुल्ला पुरुष भलिबल प्रतियोगितामा विजयी शुरुवात गरेको छ छन् । नयाँ बसपार्कस्थत ढोरपाटन क्लबको कोर्टमा शनिबार भएको खेलमा समूह ‘बी’ रहेको एपीएफले ग्ल्यासियर कलेजमाथि ३–० को सहज जित निकाल्दै विजयी शुरुवात गरेको हो ।

एपएिफले ग्ल्यासयमाथि २५–१०, २५–१४ र २५–१४ को सहज जित निकाल्यो । शनिबारै भएको समूह ‘डी’ को खेलमा विदेशी खेलाडी सम्मिलित चितवन टाइगरले धादिङमाथि २५–२२, २५–९ र २५–५ को सहज जित निकाल्यो । चितवन टाइगर अन्तिम समयमा मात्र प्रतियोगितामा समावेश भएको टोली हो । समूह ‘डी’ मा स्प्रिङडेल स्कुलले नाम फिर्ता लिएपछि आयोजकले चितवन टाइगरलाई समावेश गरेको थियो ।

समूह ‘सी’ को खेलमा थ्री स्टार एकेडेमीले नेपाल छन्त्याल संघमाथि ३–१ को रोमाञ्चक जित निकाल्यो । प्रतिस्पर्धात्मक बनेको खेलमा थ्री स्टारले पहिलो सेट २५–१३ ले जितेपनि दोस्रो सेट २३–२३ ले गुमाएको थियो । तर, त्यसपछिको दुवै सेट २५–२२ र २७–२५ को जित निकाल्यो । अर्को खेलमा गीतान्जली कलेजले एन्जल्र्स हर्टमाथि २५–१३, २५–१४ र २५–२० को सहज जित निकाल्यो ।

प्रतियोगिता अन्तर्गत आइतबार पाँच खेल हुने आयोजकले जनाएको छ । पहिलो खेलमा थ्री स्टार र बुढानिलकन्ठ, गीतान्जली बेल्कु धादिङ, नेपाल छन्त्याल र सुर्यदीप कलेज, एपीएफ र बडिगार्ड गाउपालिका बाग्लुङ र बेल्कु घादिङ र एन्जल हर्ट कलेजबीच खेल हुनेछ ।

लिग कम नकआउटको आधारमा भैरहेको खेलमा १६ टिमको सहभागिता रहेको छ । १६ टोलीलाई ४ समूह विभाजन गरिएको छ । हरेक समुहका शीर्ष दुई टोलीले क्वाटरफाइनलमा स्थान बनाउनेछ । फाइनल खेल ६ असोजमा हुनेछ ।