एसियाड टेबल टेनिस : नेपालको हार

जाकार्ता (एजेन्सी)-इन्डोनेसियामा जारी एसियन गेम्स अन्र्तगत टेबल टेनिस अन्र्तगतको मिक्स डबल्स्मा नेपालको चुनौती समापत भएको छ । जेआइ एक्स्पो हल ‘बी’ मा बुधबार भएको मिक्स डबल्स्को स्पर्धामा नेपालक नविता श्रेष्ठ र स्यान्टु श्रेष्ठको जोडी तथा अमरलाल मल्ल र स्वेच्छा नेम्वाङको जोडी प्रि–क्वाटरफाइलबाट बाहिरिएको हो ।

श्यान्टु श्रेष्ठ (बायाँ) र नविता श्रेष्ठ । फाइल तस्बिर

प्रि–क्वाटरफाइनलमा नविता र स्यान्टुको जोडी चीनका गाओ युयान लिन र म्यान वु वाङको जोडीसँग ३–१ को सेटमा पराजित भइन् । पहिलो र दोस्रो सेट ११–६ र ११–१ ले गुमाएपनि तेस्रो सेट स्यान्टु र नविताको जोडीले १३–११ ले जितेको थियो । तर चौथो सेट ११–७ ले गुमाउन पुग्यो ।

त्यसअघि यि दुई जोडीले मंगोलियाको टेमुलेन म्यान्डल र अन्डराम मखवातलाई १३–११, ११–७ र ११–९ को सेटमा पराजित गर्दै अन्तिम १६ मा पुग्न सफल भएको थियो । अर्काे प्रि–क्वाटरफाइनलमा अमरलाल मल्ल र स्वेच्छा नेम्वाङको जोडी हङकङकी चुन टिन वोङ र होइ किङ डुको जोडीसँग ११–४, ११–४ र ११–१ को सोझो सेटमा पराजित भयो ।

यसअघि यो जोडीले कतारका अब्दुल रहमान नाग्गर र महा फारामार्जीको जोडीमाथि ३–२ को रोमाञ्चक जित निकाल्दै अन्तिम १६ मा पुग्न सफल भएको थियो । शुरुवाती दुई सेट ८–११ र ७–११ ले गुमाएपनि त्यसपछि उत्कृष्ट पूनरागमन गर्दै तीनै सेट क्रमशः ११–५, ११६ र ११–४ ले आफ्नो पक्षमा पार्दै प्रि–क्वाटरफाइनलमा स्थान बनाएका थिए ।