6 years ago
August 25, 2018
ललितपुर (हाम्रो खेलकुद)– पूर्व राष्ट्रिय भलिबल खेलाडी दुर्जकुमार राई खेल जीवन सम्झेर शनिबार एउटा कार्यक्रममा निकै उत्साहित रुपमा प्रस्तुत भए । उनले आफ्नो खेल जीवनको सुरुवातदेखि प्रहरी सेवामा प्रवेश सम्मको विषय उपस्थित भलिबलका पुराना खेलाडीलाई साट्दा अरु पनि उनका कुरा सुन्न ध्यानमग्न थिए । म एउटा समान्य गरिब परिवारमा जन्मेको मान्छे , खेलकै कारण मैले धेरै अघि बढ्ने अवसर पाए, शसस्त्र प्रहरी बलका पूर्व महानिरिक्षक समेत रहेका रार्ईले भने, मेरो बुबा पूर्व सेना भएका कारण पनि मलाई खेलाडी बन्ने प्रेरणा मिलिरह्यो ।
भोजपुरमा हुँदाको स्मरण गर्ने क्रममा उनले भने, ‘बिहान ४ बजे बुबाले बुटले गोलीगाठामा हिर्काउदै उठाउनु हुन्थ्यो । त्यसपछि म बुवासँगै दौडिन्थे । गाँउमा भलिबल खेलेर जितेको दिन बुबाले भाले काट्नु हुन्थ्यो । हारेको दिन कुटाई खानु पर्ने अनि गोठमा सुत्न पर्ने हुथ्यो ।’
समान उमेरका आफ्ना मामाले एकपटक झुट बोलेर भाले काट्न लगाएको प्रसंग कोट्उँदै राईले भने, ‘मामालाई मासु खान मन लागेको रहेछ । घर पुगेर भिनाजु भान्जाले आज खेल जित्यो भनेपछि बुबाले भाले काट्न भयो । मासु त खाइयो भोली बुबालाई थाहा हुन्छ भनेर आफुलाई रात भर निन्द्रा परेन । भोली पल्ट बुबाले चिया पसल पुगेर थाहा पाइहाल्नुभयो । म बिहानी चाडै घरबाट निस्के । यस्ता थ्रुपै प्रसंग छन् । अहिले पनि सम्झदा आनन्द लाग्छ । ‘
जावलाखेल भलिबल प्रशिक्षक केन्द्र र पूर्व राष्ट्रिय तथा अन्तर्राष्ट्रिय महिला भलिबल खेलाडीको संयुक्त आयोजनामा भएको पूर्नमिलन तथा तिजको शुभकामना कार्यक्रममा राईले आयोजकलाई मात्र धन्यवाद दिएनन्, नेपाली भलिबलको विकास क्रममा महत्वपूर्ण भूमिका निर्वाह गर्ने अधिकांशलाई स्मरण गरे ।
सन् १९८२ मा एसियाडमा समेत नेपालको प्रतिनिधित्व गरेका राईले अर्को वर्ष एसियन च्याम्पियनसिप खेलेका थिए । उनले जर्मनीको हेमबर्गाबाट छ महिना व्यवसायिक भलिबल खेलेको स्मरण गर्दै झन्डै साढे सात वष भलिबल खेलेर पुलिसमा प्रवेश गरेपछि खेल जीवनको अन्त्य भएको प्रसंग सुनाए । उनले नेपालको भलिबल विकास क्रममा धेरैको भूमिका रहेको भन्दै राष्ट्रिय भलिबल टोलीका पूर्व मुख्य प्रशिक्षक प्रचण्डबहादुर सिंहदेखि थ्रुपै भलिबल हस्तिलाई स्मरण गरे ।
नेपालमा हरेक जिल्लामा सबैभन्दा बढी खेलिने भलिबल भएको उल्लेख गर्दै भने, भौगोलिक कारण, खेलाडी संख्या र सानो ठाँउमा पनि खेल्न सकिने भएकोले यसको लोकप्रियता थियो । हाम्रो समयमा फुटलब सिमिति जिल्लामा सदरमुकाममा मात्र हुन्थ्यो । भलिबल देशका सबै जिल्लामा हुन्थ्यो ।
पूर्नमिलन कार्यक्रममा पूर्व प्रशिक्षक सिंह, नेपाली पुरुष टोलीका पूर्व कप्तान ऋषि आचार्य, महिला कप्तान हेमा प्रधानलाई सम्मान गरिएको थियो । त्यस्तै दुई पटक एसियाडमा नेपालको प्रतिनिधित्व गर्ने भलिब खेलाडी गंगाराम राजकर्णिकारलाई विशेष सम्मान गरिएको थियो । सोही अवसवरमा सुस्मिता देउलालाई प्रोत्साहनका लागि भलिबल र अन्य सामग्री प्रदान गरिएको थियो । पूर्व महिला खेलाडीले सुस्मिताको अध्ययनको लागि समेत व्यवस्था मिलाएको जनाइएको छ ।
पूर्व प्रशिक्षक सिंहले पुराना र नयाँ खेलाडीलाई एकै थलोमा जमघट गराएर सकारात्मक पहल गरेको उल्लेख गर्दै भने, ‘यो भलिबल संघले गर्नुपर्ने कार्यक्रम तपाईहरुले गर्नुभयो । त्यसका लागि धन्यवाद ।’ दक्षिण एसियाली खेलकुद (साग) मा नेपाललाई कास्य पदक दिलाउने महिला भलिबल टोलीकी कप्तान अन्जु श्रेष्ठ अमात्यको संयोजकत्वमा भएको कार्यक्रममा भलिबल खेलाडी उत्पादनमा सहयोगी भूमिका निर्वाह गर्न र अप्ठेरोमा परेका खेलाडीलाई सहयोग गर्ने उद्देश्य रहेको बताइन् ।
ललितपुर महानगरपालिकाकी उप मेयर गीता सत्यालले पूर्व खेलाडीका लागि महानगरपनि सहयोगका लागि तयार रहेको बताइएन् । आयोजक समितिकी सदस्य इन्दिरा निरौलालले अहिले सम्मका राष्ट्रिय तथा अन्तर्राष्ट्रिय खेलाडीको नामावली संकलन, खेलाडी उत्पादन र अक्षयकोष स्थापनाका लागि पहल लिने अभियानको सरुवातका रुपमा पुर्नमिलन कार्यक्रम आयोजना गरेको बताइन् । महिला पूर्व कप्तान हेमा प्रधान, पूर्व भलिबल खेलाडी समेत रहेका पूर्व एआईजी अमरसिंह शाहले सकारात्मक कदमको पहलका लागि आयोजकलाई धन्यवाद दिए ।
September 19, 2024
काठमाडौं (हाम्रो खेलकुद)- प्रयास मञ्च नेपालले खेलकुद क्षेत्रबाट प्राप्त गरेको उपलब्धि तथा खेलकुदको विकास र विस्तारमा पुर्याएको योगदानको कदर गर्दै एथलेटिक्स खेलाडीसहित खेलकर्मीलाई बिहीवार सम्मान गरेको छ । कमलादीस्थित नेपाल प्रज्ञा प्रतिष्ठानमा मञ्चले आयोजना गरेको बुद्धवीर लामा तेह्रौं गीतिमय सांगीतिक साँझका अवसरमा उनीहरुलाई सम्मान गरेको हो । पूर्व धावक गीतकार लामा गत असारमा बंगलादेशको ढाकामा […]
September 19, 2024
काठमाडौं (हाम्रो खेलकुद)- पाँचौं मिष्टर काठमाडौं शारीरिक सुगठन प्रतियोगिताका विजेता प्रकाश राईको शव श्रद्धाञ्जलीका लागि शुक्रवार त्रिपुरेश्वरस्थित राष्ट्रिय खेलकुद परिषद् (राखेप) को परिसरमा राखिने भएको छ। काठमाडौं जिल्ला शारीरिक सुगठन तथा फिटनेस संघका अध्यक्ष सुरेश सुवेदीले श्रद्धाञ्जलीको लागि राईको शव दिउँसो २:३० बजेदेखि राखेप परिसरमा राखिने छ जानकारी दिए। संघले राईलाई श्रद्धाञ्जली दिन शारीरिक सुगठन […]
September 19, 2024
हेटौंडा (हाम्रो खेलकुद)- पेरिस पारालिम्पिक्सकी कास्य पदक विजेता पारा तेक्वान्दोकी पलेशा गोवर्धन र एसियाली खेलकुद (एसिया) की रजत पदक विजेता करातेकी एरिका गुरुङलाई बागमती प्रदेश सरकारले नगदसहित सम्मान गरेको छ। हेटाैंडास्थित मुख्य मन्त्री कार्यालयमा बिहीवार आयोजित कार्यक्रममा पलेशा, एरिका, उनीहरूका प्रशिक्षक तथा तेक्वान्दो र करातेको प्रदेश संघलाई नगदबाट सम्मान गरिएको हो। पलेशालाई १० लाख, एरिकालाई […]