दिपक न्यौपाने

जाकार्ता –१८औं एसियाली खेलकुद अन्र्तगतको ब्याडमिन्टनको महिला सिंगल्र्समा नेपाल नम्वर वान नङ्सलदेवी तामाङ प्रि–क्वाटरफाइनलमा प्रवेश गरेकी छन् । जिविके इस्टोरा इन्डोर मैदानमा बिहिबार भएको अन्तिम ३२ को खेलमा माल्दिभ्सकी अब्दुल फाथिमलाई २–० को सोझो सेटमा पराजित गर्दै नङ्सलले अन्तिम १६ मा स्थान बनाएका हुन् ।

नङ्सलले फाथिममाथि २१–१९ र २१–१५ को सहन जित निकालिन् । अब नङ्सलले क्वाटरफाइनल प्रवेशका लागि जापानकी यामागुची अकानेसँग २५ अगस्टमा प्रतिस्पर्धा गर्नेछिन् । महिला सिंगल्र्समा जेसिका गुरुङ थाइल्यान्डकी इन्टानन राच्चासँग २१–७ र २१–४ को सोझो सेटमा पराजित भईन् । पुरुष डबल्समा नेपालका बिकास श्रेष्ठ र नवीन श्रेष्ठको जोडी प्रि–क्वाटरफाइनलमा प्रवेश गरेका छन् ।

बिकास र नवीनको जोडीले मंगोलियाका सुमियासुरेन इखवात र तेमुउलेन गोम्वोदोर्जको जोडीमाथि २–० को सहज जित हात पार्दै प्रि–क्वाटरफाइनलमा स्थान बनाएको हो । पहिलो सेट २१–१२ ले आफ्नो पक्षमा पारेको बिकास र नवीनको जोडीले दोस्रो सेट २१–७ ले सहजै आफ्नो पषमा पा¥यो । पुरुष डबल्सकै खेलमा नेपालका शीर्ष वरीयताका रत्नजित तामाङ र दिपेश धामीको जोडी अन्तिम ३२ को खेलमा पाकिस्तानका रिजवन अजाम र कासिफ अलीसँग प्रतिस्पर्धात्मक खेलमा २१–१९ र २२–२० को सेटमा पराजित हुन पुग्यो ।

महिला डबल्र्समा नङ्सल र जेसिकाको जोडी इन्डोनेसियाको जोङकोलपान र रविन्दा प्राजोङजाईसँग २१–७ र २१–५ को सोझो सेटमा पराजित भईन् । मिक्स डबल्समा रत्नजित र नङ्सलको जोडी थाइल्यान्डका डेब्बी सुसान्टोल र रिक्की कारान्दासुवार्दीको जोडीसँग २१–१३ र २१–७ ले तथा दिपेश र जेसिकाको जोडी हङकङका चुन हेईं लि र होइ वाह चाउको जोडीसँग २१–११ र २१–११ ले पराजित भए ।