काठमाडौं (हाम्रो खेलकुद)- पाँचौ ढोरपाटन खुल्ला पुरुष भलिबल प्रतियोगितालाई यति ब्रुअरी प्रालिले मुख्य प्रायोजन गरेको छ । आयोजक ढोरपाटन क्लबले सोमबार प्रतियोगिताको मिति तोक्दै यति ब्रुअरी प्रालिसँग मुख्य प्रायोजकमा हस्ताक्षर गरेको हो । सम्झौतामा को आयोजनामा हुनेसम्झौता यति ब्रुअरी प्रालीका मार्केटिङ अफिसर बिभोर रायमाझी र ढोरपाटन क्लबमा अध्यक्ष मनबिन छन्त्यालले हस्ताक्षर गरे ।

सम्झौतापश्चात प्रतियोगितालाई मुख्य प्रायोजन गरेको यति ब्रुअरीले आफ्नो कम्पनीबाट उत्पादन गरिएको इनर्जी ड्रिंङ्स एम १५० को नामबाट संचालन हुनेछ । सो बापत मुख्य प्रायोजक यति ब्रुअरीले ५ लाख आयोजकलाई उपलब्ध गराउने छ । नेपाल भलिबल संघको संयोजन तथा ढोरपाटन क्लबको आयोजनामा संचालन भएको प्रतियोगिता भदौ ३० देखि असोज ६ गते सम्म चल्ने छ ।

नयाँ बसपार्कस्थित ढोरपाटन स्पोर्टस् क्लबमा हुने प्रतियोगितामा १६ टिमको सहभागिता रहने छ । प्रतियोगिताको उपाधि विजेताले १ लाख उप विजेताले ६० हजार र तेस्रो हुने टिमलाई ५० हजार प्रदान गरिने ढोरपाटन क्लबमा अध्यक्ष मनबिन छन्त्यालले जानकारी दिए । ब्यक्तिगत विधा अन्तर्गत स्पाईकर, ब्लकर क्वीक डिफेन्डर, सर्भर लिफ्टर र प्रशिक्षकलाई ५ हजार प्रदान गरिने छ ।

प्रतियोगितामा एक जना दर्शकलाई स्कूटर, ८ जना दर्शकले इजी टीसर्ट र अरु ८ जना दर्शकले डाइमण्ड मोबाइल पाउने छन् । प्रतियोगिताको सह प्रायोजकमा आईएमई प्रालि र बीजी मल रहेका छन् भने दोस्रो उपाधि बापतको रकम ५० हजार पुरस्कारलाई शान्ति दोहोरी साँझका दीपक कुँवरले प्रायोजन गरेका छन् । प्रतियोगिताको अनुमानित लागत १२ लाख रुपैयाँ रहेको छ ।