6 years ago
August 2, 2018
काठमाडौं (हाम्रो खेलकुद)– नेपाल भलिबल संघको संयोजनमा राजधानीमा फ्रेन्चाइज बेसमा पहिलोपटक आधी आवाधी महिला लिग (एभिएल) भलिबल हुने भएको छ ।
संघले राजधानीमा बिहीबार पत्रकार सम्मेलनको आयोजना गर्दै आगमी असोज १५ गतेबाट २० गतेसम्म त्रिपुरेश्वस्थित राष्ट्रिय खेलकुद परिषदको कभर्डहलमा एभिएल लिग हुने घोषणा गरेको हो ।
जसका लागि संघले भारतको नयाँ दिल्लीमा रहेको आधी आवाधी फाउन्डेसनसँग १० वर्ष लामो सम्झौता गरेको छ । सम्झौतामा नेपाल भलिबल संघका अध्यक्ष मनोरन्जनरमण शर्मा र आधी आवाधीका सिइओ दीनेशकुमार सिंहले हस्ताक्षर गरे । सम्झौता अनुसार आधी आवाधीले संघलाई हरेक वर्ष १५ लाख रुपैयाँ उपलब्ध गराउनेछ ।
प्रतियोगितामा तीन विभागीय टिमसहित ६ टोलीको सहभागिता रहने संघका महासचिव जितेन्द्र बहादर चन्दले पत्रकार सम्मेलनमा जानकारी गराए । उनका अनुसार लिगमा नेपाल एपिएफ क्लब, त्रिभुवन आर्मी क्लब, नेपाल पुलिस क्लब, काठमाडौं क्वीन्स, चितवन टाइग्रेस र पोखरा पिन्केज रहेका छन् ।
महासचिव चन्दले पहिलो संस्करण सफल भए दोस्रो संस्करणमा टिम थपिदै जाने बताए । ‘हामीले प्रदेशस्तरबाट टिम बनाउन खोजेका थियौं । तर, खेलाडी पर्याप्त नहुने देखिएपछि अहिलेलाई विभाग बाहेक तीन टोलीलाई सहभागी गराउने निर्णय गर्र्यौ ,’ महासचिव चन्दले भने, ‘विभिन्न प्रदेशबाट शुक्लफाटा, मधेशी च्यालेन्ज र कर्णाली एक्सप्रेस जस्ता टिमहरुको नाम आएको थियो । तर, हामीले उनीहरुलाई समेट्न सकेनौ अर्कोपटक टिमको सङ्ख्या थपिदै जानेछ ।’
सहभागी टिमले ४ विदेशी खेलाडी अनुवन्ध गर्न पाउने र एक पटकमा तीन खेलाडी मात्रै उतार्न पाउनेछ । विभागिय टिमबाहेक अन्य तीन टिमहरुको लागि खेलाडी एवम् प्रशिक्षकको लागि लगानी गर्ने टिम मालिकको समेत खोजी गरी बलियो टिम बनाउनेछन् ।
विभागीय टोलीले पनि विदेशी खेलाडी अनुबन्ध गर्न पाउनेछन् । लगानी पनि विभागीय टिमले नै गर्नुपर्ने संघले जनाएको छ ।
लिगको विजेताले ६ लाख रुपैया प्राप्त गर्नेछन् । दोस्रो हुनेले ३ लाख तथा तेस्रो हुने टिमले १ लाख ७५ हजार प्राप्त गर्ने संघले जनाएको छ । यस्तै लिगको सर्वोत्कृष्ट खेलाडीले टिभिएस स्कुटीको साथै नगद ५० हजार प्राप्त गर्नेछ ।
September 19, 2024
काठमाडौं (हाम्रो खेलकुद)- प्रयास मञ्च नेपालले खेलकुद क्षेत्रबाट प्राप्त गरेको उपलब्धि तथा खेलकुदको विकास र विस्तारमा पुर्याएको योगदानको कदर गर्दै एथलेटिक्स खेलाडीसहित खेलकर्मीलाई बिहीवार सम्मान गरेको छ । कमलादीस्थित नेपाल प्रज्ञा प्रतिष्ठानमा मञ्चले आयोजना गरेको बुद्धवीर लामा तेह्रौं गीतिमय सांगीतिक साँझका अवसरमा उनीहरुलाई सम्मान गरेको हो । पूर्व धावक गीतकार लामा गत असारमा बंगलादेशको ढाकामा […]
September 19, 2024
काठमाडौं (हाम्रो खेलकुद)- पाँचौं मिष्टर काठमाडौं शारीरिक सुगठन प्रतियोगिताका विजेता प्रकाश राईको शव श्रद्धाञ्जलीका लागि शुक्रवार त्रिपुरेश्वरस्थित राष्ट्रिय खेलकुद परिषद् (राखेप) को परिसरमा राखिने भएको छ। काठमाडौं जिल्ला शारीरिक सुगठन तथा फिटनेस संघका अध्यक्ष सुरेश सुवेदीले श्रद्धाञ्जलीको लागि राईको शव दिउँसो २:३० बजेदेखि राखेप परिसरमा राखिने छ जानकारी दिए। संघले राईलाई श्रद्धाञ्जली दिन शारीरिक सुगठन […]
September 19, 2024
हेटौंडा (हाम्रो खेलकुद)- पेरिस पारालिम्पिक्सकी कास्य पदक विजेता पारा तेक्वान्दोकी पलेशा गोवर्धन र एसियाली खेलकुद (एसिया) की रजत पदक विजेता करातेकी एरिका गुरुङलाई बागमती प्रदेश सरकारले नगदसहित सम्मान गरेको छ। हेटाैंडास्थित मुख्य मन्त्री कार्यालयमा बिहीवार आयोजित कार्यक्रममा पलेशा, एरिका, उनीहरूका प्रशिक्षक तथा तेक्वान्दो र करातेको प्रदेश संघलाई नगदबाट सम्मान गरिएको हो। पलेशालाई १० लाख, एरिकालाई […]