काठमाडौं (हाम्रो खेलकुद) – नेपाल रग्वी टिमले एसिया रग्वी सेभेन्स् ट्रफीमा प्रतिस्पर्धा गर्ने भएको छ । सिंगपुरमा यही अगस्ट ४ र ५ तारिखमा हुने एसिया रग्वी सेभेन्स् ट्रफीका लागि नेपाली टोली बिहिबार प्रतियोगिता स्थल सिंगापुर प्रस्थान गर्ने नेपाल रग्वी संघका अध्यक्ष टंकला घिसिङले जानकारी गराए ।

१२ खेलाडी सहित १५ सदस्यीय टोलीलाई बुधबारै संघले एक कार्यक्रम गर्दै बिदाई गरिएको छ । टिमलाई बिदाई गर्दै संघका अध्यक्ष घिसिङले नेपालमा रग्जवी टिम छ । खेल्न जान्छ र आउछ भन्ने मात्रै नपारी यसपटक उपलब्धि हात पारेर आउने बताए । टिमका प्रशिक्षक राधिका हेटियाच्चीले एसिया रग्वी सेभेन्सका लागि तयार रहको बताउदै यसपटक टिमले केही गर्न सक्ने बताए ।

यस्तै टिमका कप्तान विराट श्रेष्ठले वैदेशिक प्रशिक्षकबाट धेरै कुरा सिक्ने मौका पाएको र युवा खेलाडीहरुबाट आफुले आशा गरिएको बताए । टोलीमा विराट श्रेष्ठ, कृष्णप्रसाद धमला, श्रीराम श्रेष्ठ, विराट ऐडी, हुतराज प्रधान, प्रेम बहादुर कोइराला, बिक्रम पुरी, जनक वाइवा, झुकेन राई, सन्जय अधिकारी, सिकिन्दर अधिकारी र कृष्ण क्षेत्री रहेका छन् ।

प्रशिक्षकमा श्रीलंकालाी राष्ट्रिय टिमका पुर्व कप्तान राधिका हेटियाच्ची रहेका छन् । टिम व्यवस्थापकमा इन्द्र बहादुर तामाङ र फिजियोमा लक्ष्मण अधिकारी रहेका छन् । १३ राष्ट्र सहभागी एसिया रग्वी सेभेन्समा नेपाल पोल ‘बी’ मा रहेको छ । नेपाल रहेको पोलमा युएईं, जोर्डन र इन्डोनेसिया रहेका छन् ।

नेपालले युएइसँग पहिलो खेल खेल्नेछ । त्यसपछि जोर्डन र इन्डोनेसियासाग सोही दिन खेल्नेछ । हरेक समूहका शीर्ष दुई टोली सेमिफाइनल प्रवेश गर्नेछ । अंकका आधारमा दुई टिमले सेमिफाइनलमा स्थान बनाउने छ । शीर्ष चार टोलीले ट्रफीको लागि प्रतिस्पर्धा गर्दा अर्काे चार टोलीले प्लेट च्याम्पियनसिपको लागि प्रतिस्पर्धा गर्ने संघले जनाएको छ ।