काठमाडौं (हाम्रो खेलकुद) – अर्को महिना इन्डोनेसियामा आयोजना हुने १८ औं एसियाली खेलकुद (एसियाड) मा नेपालले स्क्वासमा पनि भाग लिने भएको छ । अब नेपालले एसियाडमा भाग लिने खेल संख्या २९ पुगेको छ ।

यसअघि नेपालले प्राविधिक कारण देखाउँदै एसियाड भाग नलिने बताएको थियो । तर, पुनः स्क्वासलाई समावेश गरिएको नेपाल ओलम्पिक कमिटि (एनओसी) ले जनााएको छ । स्क्वासमा चार पुरुष खेलाडीले सहभागिता जनाउने छन् ।

खेलाडीमा अमृत थापामगर, ज्ञानु चौधरी, राजेन्द्र शाक्य र अरहन्त केशर सिंह रहेका छन् । प्रशिक्षकमा हिरा थापा छन् । उनीहरुले पुरुष एकल र पुरुष डबल्समा प्रतिस्पर्धा गर्नेछन् । एनओसीका अनुसार पहिला नेपालले पनि भाग लिने खेलको सुचिमा स्क्वास राखेकोले अहिले थप्न सहज भएको बताएको छ ।

नेपालले भाग एसियाडमा भाग लिने खेलमा तेक्वान्दो, बक्सिङ, कराते, फुटबल, जुडो, फेन्सिङ, उसु, आर्चरी, सुटिङ, एथलेटिक्स, सेपाकताक्रो, क्लाइम्बिङ स्पोर्टस, फेन्सिङ, गल्फ छन् ।

त्यस्तै अन्य खेलमा कुराँस, बास्केटबल, पौडी, साइक्लिङ, ब्याड मिके पाकल, पेनकेक सिलात, स्केट बोर्ड, टेबल टेनिस, ब्याडमिन्टन, प्याराग्लाइडिङ, कबड्डी, भलिबल, भारोत्तोलन र कुस्ती रहेका छन् । इन्डोनेसियामा भदौ २ गतेबाट १८ औं एसियाड सुरु हुनेछ ।