काठमाडौं (हाम्रो खेलकुद) – नेपाली राष्ट्रिय क्रिकेट टोलीका कप्तान पारस खड्का र नेपाली महिला भलिबलकी चर्चित तथा मुख्य खेलाडी प्रतिभा माली सेञ्चुरी बैंक लिमिटेडको ब्राण्ड एम्बासडर बनेका छन्।

नेपाली बैंकहरुको कान्छो सेञ्चुरी बैंक लिमिटेडले बुधबार राजधानीमा पत्रकार सम्मेलनको आयोजना गर्दै पारस र प्रतिभालाई एक वर्षका लागि ब्राण्ड एम्बासडरमा नियुक्त गरेको हो । उनीहरुलाई कति रकममा एम्बासडरमा नियुक्त गरिएको त्यो भने खुलाइएको छैन ।

बैंकका प्रमुख कार्यकारी अधिकृत (सिइओ) तुल्सीराम गौतमले नेपालका दुई चर्चित खेलका खेलाडी पारस र प्रतिभालाई ब्राण्ड एम्बासडर बनाउन पाउनु आफ्नो लागि ठुलो कुरा रहेको बताए । उनले आफ्नो दुवै ब्राण्ड एम्बासडरका खेलाडीलाई अन्तर्राष्ट्रिय स्तरमा थप सफलताको शुभकामना समेत व्यक्त गरे ।

एम्बासडरमा नियुक्त भएपछि राष्ट्रिय क्रिकेट टिमका कप्तान पारस खड्काले सेञ्चुरी बैंकसँग पुरानो सम्बन्ध रहेको नेपालको जुनसुकै खेललाई माथि उठाउन कर्पाेरेट क्षेत्रहरुको आवश्यकता रहेको औंल्याए ।

 भलिबलकी चर्चित खेलाडी प्रतिभाले खेलाडीहरुलाई यस्तो खालको मौकाले भावी पिढीलाई खेलमा लाग्न प्रोत्साहन मिल्ने बताईन् । सेञ्चुरी बैंकका सहायक सिइओ जीवन भट्राईले बैंकको प्रमोशनसँगै खेललाई प्रोत्साहन गर्नकाचे लागि पारस र प्रतिभालाई ब्राण्ड एम्बासडर नियुक्त गरिएको बताए ।

‘हामी नेपाली खेलकुदमा लगानी गर्ने वातावरण सिर्जना गरिरहेका छौं । केही प्रयास थालेका छौं । यसपटक हामीले क्रिकेट र भलिलाईलाई रोज्यौ भविष्यमा अन्य खेलकना खेलाडीहरु पनि पर्न सक्छ ’ सहयाक सिइओ भट्टराईले भने ।