तेजबहादुर थाइल्यान्ड ओपन बक्सिङको तेस्रो चरणमा

काठमाडौं (हाम्रो खेलकुद) – नेपाली बक्सर तेजबहादुर देउवा थाइल्यान्डमा जारी पहिलो थाइल्यान्ड ओपन अन्तरास्ट्रिय बक्सिङ प्रतियोगिताअन्तर्गत ४९ केजी मुनिको तौल समुहको तेस्रो चरणमा पुगेका छन् ।

बैंककमा सोमबार भएको खेलमा तेजले लाओसका खाम्फोभान खाम्साथोनेलाई पराजित गर्दै अघिल्लो चरणको यात्रा तय गरेका थिए । तेजले पहिलो चरणमा बाई पाएका थिए । थाइल्यान्ड बक्सिङ संघले आयोजना भइरहेको प्रतियोगिताको ६४ केजी मुनि तौल समूहको पहिलो चरणमा भुपेन्द्र थापा पराजित भएका छन् ।

पहिलो चरणबाटै बाहिरिने उनी चौथो नेपाली खेलाडी हुन् । भुपेन्द्र दक्षिण कोरियाका ह्युनसुक लिमले पराजित गरेका हुन् । ५६ केजी तौल समूहको पहिलो चरणमा सफलता प्राप्त गरेका विमल रोका दोस्रो चरणमा पराजित भएका छन् ।

विमललाइ काजकस्तानका खेलाडी जहानबोलतसँग पराजित भएका हुन् । विमलले पहिलो खेलमा स्लोभेनियाका खेलाडिलाइ हराएका थिए । ६ नेपाली बक्सरले भाग लिएको प्रतियोगितामा अब तेजबहादुर मात्र बाँकी रहेका छन् ।