काठमाडौं (हाम्रो खेलकुद) – प्रिमियर स्कुल, इपिएस स्कुल, बुढानिलकण्ठ र शिवपुरी स्कुल भेन्यु विजेताको रुपमा टोफिचो जुनियर च्याम्पियनसिप कप अन्तर स्कुल फुटसल प्रतियोगिताको सेमिफाइनलमा प्रवेश गरेका छन् ।

बुढानिलकण्ठ ग्रासरुट फुटसलबाट ग्राउण्ड च्याम्पियन बन्दा प्रिमियर स्कुल नेशनल स्पोर्टस् सेन्टर च्यासलको ग्राउण्ड च्याम्पियन बने । सामाखुशी फुटसलबाट शिवपुरी स्कुल र बानेश्वर फुटसलबाट इपिएस ग्राउण्ड च्याम्पियन बन्दै मेघा सेमिफाइनलमा स्थान बनाउन सफल भएका हुन् । ग्रासरुट फुटसलमा भएको यु–१४ तर्फको फाइनलमा बुढानिलकण्ठले इनसाइड भिजनमाथि ५–१ को फराकिलो जित निकाल्दै ग्राउण्ड च्याम्पियन बने ।

यु–१२ तर्फ ड्याफोडिलले त्रिनेत्रलाई १–० ले पराजित गर्दै ग्राउण्ड च्याम्पियन बनेर मेघा सेमिफाइनलमा थ्सन बनाउन सफल भए । च्यासलमा भएको यु–१४ तर्फको फाइनलमा प्रिमियरले युलनेसलाई ६–२ ले परासजत गर्दै ग्राउण्ड च्याम्पियन बने । यु–१२ तर्फ रातो बंगलाले सेन्ट जेभियरलाई २–० ले पराजित गर्दै ग्राउण्ड च्याम्पियन बने ।

सामाखुशी फुटसलमा भएको यु–१४ तर्फ शिवपुरीले हिमरश्मीलाई ५–२ ले पराजित गर्न सफल भए । यु–१२ तर्फ साइपालले अमर स्कुललाई पेनाल्टी सुटआउटमा ३–१ पराजित गर्दै मेघा सेमिफाइनलमा स्थान बनाउन सफल भयो । बानेश्वर रिक्रिएसनमा भएको यु–१४ को फाइनलमा इपिएससले एप्पल स्कुलमाथि सडन डेथमा ६–५ ले पराजित गर्दै ग्राउण्ड च्याम्पियन बन्न सफल भए ।

यु–१२ तर्फ गुरुकुलले मेघा सेमिफाइनलमा स्थान बनाउन सफल भए । गुरुकुलले ग्राउण्डको फाइनलमा ओलम्पियामाथि ३–० को सहज जित निकालेको थियो ।मेघा सेमिफाइनल र फाइनल ग्रासरुट फुटसलमा हुनेछ ।