default_image

7 years ago

June 15, 2018

नेशनल युथ फेष्टमा नेपाली खेलकुदको चर्चा

118 views

0 Bookmark

काठमाडौं– नेशनल कलेज धुम्बराही काठमाडौंले आयोजना गरेको नेशनल युथ फेष्टको पहिलो दिन शुक्रबार नेपाली खेलकुद र खेलाडीका विषयमा चर्चा भएको छ । ओलम्पियन दीपक विष्ट र नेपाली राष्ट्रिय फुटबल टोलीका विक्रम लामाले आफ्नो खेलजीवन र नेपाली खेलकुदको अवस्थाका बारेमा नेशनल कलेजका विधार्थीका बीचमा राखेका थिए ।

नेपाल खेलकुद पत्रकार मञ्चका महासचिव प्रकाश तिमल्सिनाले सहजिकरण गरेको प्यानल डिस्कसनमा ओलम्पिक दीपकले देशमै रहेर नेपाली खेलकुदलाई अघि बढाउन सकिन्छ भने उद्देश्यका साथ विदेशमा अवसर पाउँदा पनि नगएको सुनाए । दक्षिण एसियाली खेलकुद (साग) मा चार स्वर्ण र एसियाली खेलकुदमा दुई कास्य पदक जितेका दिपकले भने, ‘विदेश गएर मैले यो भन्दा सहज जीवन विताउन सक्थे होला । मेरा समकाली थुप्रै साथी विदेशमै हुनुहन्छ । तर, यहि खेलकुदका लागि केहि गर्न सकिन्छ भन्ने विश्वासका साथ बसेको हु ।’

विक्रमले राष्ट्रिय टोलीबाट खेल्दा गौरव महसुस हुने र सबैभन्दा ठूलो आत्म सन्तुष्टी मिलेको बताए । ‘मसँग खेलेका कतिपय साथीहरु विदेशमा छन् । उनीहरुले राम्रो कमाई गरेका छन्, राम्रो ठाँउमा बसेका छन्,’ विक्रमले भने, तर, ‘कहिलेकाही कुराकानी हुँदा उनीहरुले देश मिस गरेको प्रष्ट हुन्छ । त्यो हेर्दा आफुलाई निकै सन्तुष्टी मिल्छ ।’

दिपक जस्ता खेलाडीहरुले देशका लागि प्राप्त गरेको सफलताले नै आफ्नो पुस्तालाई हौसाल मिलेको उल्लेख गर्दै विक्रमले भने, ‘मलाई पनि उहाँहरुले जस्तै नेपालको झन्डा भएको जर्सी लगाउने रहर थियो । मेहनत गर्दै गए एक दिन सफल पनि भए । त्यसले मेरो जीवन सफल भएको महसुस गरेको छु । ‘

खेलकुद नीति कार्यान्वयन नभएकोमा चिन्ता व्यक्त गर्दै ओलम्पियन विष्टले भने, ‘खेलकुदका बारेमा बुझेको व्यक्ति राष्ट्रिय खेलकुद परिषद् (राखेप) को सदस्य सचिव नियुक्त भएको खण्डमा नेपालको खेलकुद विकास गर्न सम्भव छ ।’ १२ औं सागमा स्वर्ण पदक जित्दा र सोलिडारिटी कप विजेता टोलीका सदस्य विक्रमले मेहनत र अनुशासनले नै एउटा सफल खेलाडी बन्न सकिने हुँदा विधार्थीहरुलाई त्यसमा ध्यान दिनुपर्नेमा जोड दिए ।

उच्च माध्यामिक तहका विद्यार्थीहरुको ब्यक्तित्व विकास एवं क्षमता अभिवृद्धि गर्ने उद्देश्यले नेशनल कलेजले पहिलो पटक ‘नेशनल युथ फेष्ट’ आयोजना गरेको जनाएको छ । तीन दिन सम्म चल्ने युथ फेष्टमा कार्यक्रममा राजनीतिक, खेलकुद, युवा उद्यमी र जीवनका विभिन्न क्षेत्रमा ख्याती प्राप्त गरेका व्यक्तित्वहरुसँग अन्र्तक्रिया गर्ने कार्यक्रम राखिएको आयोजक समितिका समुन्द्र तिमल्सिनाले जानकारी दिए ।

February 24, 2025

तेस्रो राष्ट्रिय टग अफ वार यसै साता

काठमाडौं (हाम्रो खेलकुद )- नेपाल डोरीतान संघको आयोजनामा यसै साता तेस्रो राष्ट्रिय डोरीतान ( टग अफ वार) हुने भएको छ । भक्तपुरको सानोथिमी स्थित एसओएस हर्मन माइनर स्कुलमा फागुन १६ र १७ गते हुने प्रतियोगितामा पुरुषतर्फ ७ प्रदेश र तीन विभागीय (सेना, प्रहरी र सशस्त्र) सहित १० टोली तथा महिलातर्फ ५ प्रदेश र ३ विभागीय […]

February 24, 2025

भद्रपुरको नगरसभामा प्रशिक्षक र खेलाडीलाई सम्मानित

हिमाल खरेल,बिर्तामोड झापाको भद्रपुर नगरपालिकाले पालिकाभित्रका राष्ट्रिय तथा अन्तर्राष्ट्रिय खेलाडीलाई नगदसहित सम्मान गरेको छ । हक्कीका प्रशिक्षक दिपक खतिवडा, खेलाडी सुदिपकुमार चौधरी, सविना राजवंशी, क्रिकेटर विपिनकुमार महतो र भारत्तोलनकी सोनीदेवी दासलाई सम्मान गरिएको हो । नगरपालिकाको १५ औँ नगरसभाको अवसर पारेर उनीहरुलाई एक कार्यक्रमका बीच जनही १० हजार रुपैयाँ सहित सम्मान गरिएको थियो । खतिवडा  […]

February 24, 2025

दावालाई क्योकुशिन तेजुका करातेमा रजत

काठमाडौं (हाम्रो खेलकुद) – चौथो विश्व क्योकुशिन तेजुका कराते प्रतियोगितामा नेपालका दावा शेर्पाले कातातर्फ रजत पदक जितेका छन् । जापानको फुकुओका स्टेडियममा सोमबार भएको फाइनल भिडन्तमा दावा फ्रान्सका खेलाडी जेरेमी डेडियुसँग पराजित भएपछि रजतमा सिमित भए । कुमुतेतर्फ नेपालका मनिषकुमार कार्की जापानका खेलाडी हेटे नगनेसँग पराजित भएका थिए ।

Success

Thank you for your time.