मेयर कप टेबल टेनिस प्रतियोगिता यसै साता

बुटवल (हाम्रो खेलकुद) – बुटवलमा पहिलो प्रथम राष्ट्रिय मेयर कप टेबलटेनिस प्रतियोगिता हुने भएको छ । रूपन्देही जिल्ला टेबल टेनिस संघको आयोजनामा शुक्रबारबाट दुई दिन प्रतियोगिता आयोजना हुने बुधबार पत्रकार सम्मेलनमार्फत जानकारी दिइयो ।

प्रतियोगितामा २ इभेन्ट (महिला/पुरूष) रहेको संघका अध्यक्ष कृष्णकुमार श्रेष्ठले जानकारी दिए । ‘भेट्रान्सदेखि विद्यालय तहसम्मका विद्यार्थीले भाग लिनेछन’ उनले भने, ‘प्रतिष्पर्धामा कुनै उमेरको मापदण्ड भने, छैन ।’ पुरूषतर्फको इभेन्टमा ५० जना र महिला इभेन्टमा ३५ जनाको सहभागिता रहनेछ ।

बुटवलमा–९ पवित्रनगरको नव दिलिप कर्भड हलमा हुने प्रतियोगिताको उद्घाटन बुटवल उपमहानगरपालिकाका प्रमुख शिवराज सुवेदीले उद्घाटन गर्नेछन् । पुरूषतर्फको विजेताले ५० हजार दोस्रो हुनेले २० हजार रुपैयाँ पाउने प्रतियोगिता संयोजक महेश खनालले जानकारी दिए । त्यस्तै महिलातर्फको विजेताले ३० र दास्रो हुने खेलाडीले १५ हजार रुपैयाँ पाउनेछिन् ।