काठमाडौं (हाम्रो खेलकुद) – नेपाली खेलाडीले नेपाली खेलाडीले चौथो एसियन पारा तेक्वान्दो ओपन च्याम्पियनसिपमा पदक जितेकी छिन् । । पलेसा गोवद्र्धनले भियतनाममा जारी पारा तेक्वान्दोको ५८ केजी माथि कास्य पदक जितेकी हुन् ।

नेपाल तेक्वान्दो संघका सचिव दीपक विष्टका अनुसार पलेसाले पहिलो खेलमा टर्कीकी नुरचिहान इक्निचीलाई ९–० ले हराउँदै सेमिफाइनलमा पुगेकी थिइन् । सेमिफाइनल पुग्ने वित्तिकै कम्तीमा कास्य पदक पक्का हुने भएपनि पलेसा त्यहाँबाट भने अघि बढ्न सकिनन् ।

बिहीबार भएको प्रतिस्पर्धामा पलेसा सेमिफाइनलमा उज्वेकिस्तानकी गुलजोनोयो नेएमोभोसँग ९–४ ले पराजित भइकी थिइन् । पलेसालाई पराजित गर्ने नेएमोभाले उक्त तौल समूहमा स्वर्ण पदक जितेकी थिइन् । तेक्वान्दो संघको पारा कमिटीका समेत सचिव रहेका विष्टका अनुसार प्रतियोगिता एसिया, युरोप, अमेरिका लगायतका खेलाडीको सहभागिता थियो ।

प्रतियोगिता विश्व तेक्वान्दो महासंघ र एसियाली तेक्वान्दो युनियनका मान्यता प्राप्त र्याकिङ च्याम्पियनसिप हो । प्रतियोगिता सहभागी अन्य तीन खेलाडी सीता भण्डारी ५८ केजी मुनि तथा पुरुषतर्फ रामबहादुर अधिकारी र गोविन्द थापा पहिलो खेलमै पराजित भएको हो । पारा तेक्वान्दोमा नेपाललाई यसअघि यादव कुवर, सीता र रञ्जना धामीले पनि अन्तर्राष्ट्रिय पदक दिलाएका थिए ।

स्वर्ण पदक विजेता नेभएमोभासँग पलेसा (बायाँ) ।