काठमाडौं (हाम्रो खेलदकुद)- थ्री स्टार एकेडेमी र शिवम् न्यु डायमण्ड एकेडेमी प्रथम चन्द्रागिरी उपमेयर कप विद्यालय स्तरीय खुल्ला छात्रा भलिबल प्रतियोगिताको सेमिफाइनलमा प्रवेश गुेका छन् । नैकापस्थित न्यु डायमण्ड एकेडेमीको मैदानमा शनिबार भएको खेलमा थ्री स्टारले सेन्ट डेविजमाथि २–१ को जित निकाल्दै अन्तिम चारमा स्थान पक्का गरेको हो ।

पहिलो सेट २१–२५ ले गुमाएपनि त्यसपछिको दुवै सेट थ्री स्टारले २५–२१ र २५–११ ले जित्न सफल भयो ।क्वाटरफाईनलको अर्काे खेलमा शिवम् न्यु डायमण्डले कन्या मन्दिरलाई २५–११ र २५–४ को सोझो सेटमा हराउदै सेमिफाइनलमा थ्री स्टारसँगको भेट पक्का ग¥यो ।

मदन भण्डारी स्पोर्टस् एकेडेमी चन्द्रागिरी नगर कमिटिको आयोजनामा न्यु डायमण्ड एकेडेमीमा संचालन भएको प्रतियोगिताको अन्य खेलमा बिजेश्वरी ज्ञानमन्दिरले ज्ञानसुदा एकेडेमीलाई २५–१० र २५–१२ को सोझो सेटमा तथा पारामाउण्टले स्प्रिङडेलमाथि २५–८ र २५–१६ को सोझो सेटमा जित निकाल्यो ।

प्रतियोगिताको चन्द्रागिरी नगरपालिकाकी उपमेयर लिसा नकर्मीले उद्घाटन गरिन् । जेठ ८ गते सम्म संचालन हुने प्रतियोगिताको विजेताले ४५ हजार नगदसहित शिल्ड, मेडल र प्रमाणपत्र प्राप्त गर्नेछन् । यस्तै दोस्रो र तेस्रो हुनेले क्रमश २५ हजार, १५ हजारनगदसहित शिल्ड, मेडल र प्रमाणपत्र प्राप्त गर्नेछन् ।

चौथो हुनेले १० हजार रुपैया प्राप्त गर्नेछन् । सर्वाेत्कृष्ट खेलाडी र व्यक्तिगत विधातर्फ बेष्टस्पाइकर, बेष्ट ब्लकर, बेष्ट सर्भर, बेष्ट डिफेन्डर र बेष्ट सेटरलाई नगदसहित आर्कषक ट्रफी प्रधान गरिने छ ।