काठमाडौं (हाम्रो खेलकुद)- नेपाल खेलकुद पत्रकार मञ्चले वार्षिक रुपमा आयोजना गर्ने नेपाली खेलकुद क्षेत्रको प्रतिष्ठित ‘एनएसजेएफ पल्सर स्पोर्ट्स अवार्ड–२०७४’ ले सगरमाथा सिमेन्टको साथ पाएको छ ।

मञ्चले पल्सर स्पोर्ट्स अवार्डको लागि घोराही सिमेन्ट इन्डस्ट्री प्रालिसँग एक वर्षको लागि सह–प्रयोजन गरेको हो । सम्झौता पत्रमा मञ्चका तर्फबाट अध्यक्ष महेश आचार्य र घोराही सिमेन्टका बजार प्रवन्धक प्रतिक अधिकारीले हस्ताक्षर गरे ।

सम्झौतासँगै सगरमाथा सिमेन्टले अवार्डका लागि करवाहेक २ लाख उपलब्ध गराउनेछ । सम्झौतापछि सगरमाथा सिमेन्टका बजार प्रवन्धक प्रतिक अधिकारीले नेपाली खेलकुदको बहुप्रतिक्षित पल्सर स्पोर्टस् अवार्डसँग सगरमाथा सिमेन्ट जोडिन पाउनु खुशीको कुरा रहेको बताए ।

‘मञ्चले सरकारले गनुपर्ने काम गरिरहेको छ । हामी सानो रकममा यसवर्षदेखि खवार्डसँग जोडिएका छौं ।’ बजार प्रवन्धक अधिकारीले पत्रकार सम्मेलनमा भने, ‘यो शुरुवात हो । आउदो वर्षमा पनि सहकार्य गर्दै जाने प्रतिवद्धता व्यक्र गर्न चहान्छु ।’ मञ्चका अध्यक्ष महेश आचार्यले सानो रकमबाट शरु भएको सह–प्रायोजन आउदो वर्षका बढ्दै जानेमा विश्वस्त रहेको बताए ।

मञ्चको खेलाडी छनोट समितिले सोमबार अन्य चार विधामा मनोनयनमा पर्न सफल खेलाडी र प्रशिक्षकको नाम सार्वजनिक गर्ने बताएको छ ।

यो वर्षपनि विभिन्न ८ विधामा नेपाली खेलाडी, प्रशिक्षक र खेलकर्मीलाई अवार्डबाट सम्मान गरिनेछ । जसमध्ये पिपल्स च्वाइस अवार्ड २०७४ को लागि ५ खेलाडीको मनोनयन यसअघि नै सार्वजनिक भइसकेको छ । यस पटकको पल्सर स्पोर्टस अवार्ड ३ जेठमा भद्रकालीस्थित आर्मी अफिसर्स क्लबमा हुदैछ ।

विगतका बर्षहरूमा जस्तै यसबर्षको पल्सर स्पोर्ट्स अवार्डमा बर्षको उत्कृष्ट खेलाडी पुरुष, महिला, युवा, प्रशिक्षक, पिपल्स च्वाइस अवार्ड, पारा एथलिट, स्पेसल अवार्ड र लाइफटाइम एचिभमेन्ट अवार्ड गरी ८ विधामा खेलाडी, प्रशिक्षकसहित समग्र रुपमा नेपाली खेलकुद सम्मानित हुनेछ ।

वर्षका उत्कृष्ट पुरुष र महिला खेलाडी, पिपल्स च्वाइस अवार्ड तथा बर्षका उत्कृष्ट प्रशिक्षकलाई पल्सर मोटरसाइकल प्राप्त गर्नेछ ।अन्य विधाका विजेतालाई ५० हजार रुपैयाँसहित गिफ्ट ह्याम्परहरूलाई पाउनेछ ।