काठमाडौं (हाम्रो खेलकुद) – शिक्षा,सरस्वती, पब्लिक युथ र जया बहुमुखी क्याम्पसले त्रिभुवन विश्वविद्यालय उपकुलपति कप अन्तर क्याम्पस भलिबल प्रतियोगितामा विजयी सुरुआत गरेको छ ।

आयोजक रत्नराज्यलक्ष्मी क्याम्पसको कोर्टमा सोमबार भएको उद्घाटन खेलमा सुर्खेतको शिक्षा क्याम्पसले चावहिलको पशुपति बहुमुखी क्याम्पसलाई २५–२२,२३–२५,२५–२०, २६–२४ को सेटमा हराउदै दोश्रो चरणमा प्रवेश गरेको छ । सरस्वती क्याम्पस लेखनाथ मार्गले घण्टाघर स्थित त्रिचन्द्र कलेजलाई २५–२२,२५–२३,२५–२० को सोझो सेटमा पराजित गर्दै अर्को चरणमा पुगेको छ ।

जोरपाटीको पब्लिक युथ कलेजले कोटेश्वर क्याम्पसलाई २५–१३,२५–१९,२५–२० को सोझो सेटले पराजित गर्यो । जया बहुमुखी क्याम्पस जोरपाटीले प्रतिस्पर्धात्मक खेलमा कैलाली बहुमुखी क्याम्पसलाई २०–२५,२०–२५,२५–१६,२५–२१, १५–८ ले हराएको थियो ।

त्रिभुवन विश्वविद्यालय उपकुलपति तिर्थराज खनियाले प्रतियोगिताको उद्घाटन गरे । २२ टोलीको सहभागिता रहेको प्रतियोगिताको विजेता टोलीले ५०, दोस्रो टोलीले ३० र तेस्रो हुने टोलीले २० हजार रुपैयाँ प्राप्त गर्नेछ । चैत ३१ गते सम्म चल्ने प्रतियोगिताको उत्कृष्ट खेलाडीले ५ हजार रुपैयाँ पाउनेछन् ।