काठमाडौं (हाम्रो खेलकुद)– अर्को महिना विश्वको सर्वोच्च शिखर सगरमाथा आरोहण गर्ने तयारीमा रहेका प्रथम महिला पत्रकार सगरमाथा आरोहण २०१८ टोलीलाई प्रधानमन्त्री केपी ओलीले शुभकामना दिएका छन् । अन्र्तराष्ट्रिय महिला दिवसको अवसरमा बिहीबार प्रधानमन्त्री निवासमा भएको भेटमा प्रधानमन्त्री ओलीले आरोहण टोलीलाई साथ, सहयोग र समर्थन रहने बताए ।

प्रधानमन्त्रीले महिला पत्रकारहरुलाई सुरक्षित साथ आरोहण गर्न र सकुशल फर्कन शुभकामना दिए  । पत्रकार आरोहिहरुले प्रधानमन्त्री समक्ष शुल्क मिनाहा साथै सरकारको तर्फबाट आर्थिक सहयोग माग गरे । समानताका लागी बुलन्द आवाज नारा रहेको प्रथम महिला पत्रकार सगरमाथा आरोहण २०१८ टोलीमा रोशा बस्नेत (राष्ट्रिय समाचार समिति), नेपाल खेलकुद पत्रकार मञ्चकी सदस्य समेत रहेकी प्रियालक्ष्मी कार्की (न्युज २४ टेलिभिजन), कल्पना महर्जन (मेघा टेलिभिजन), रोजिता बुद्धाचार्य (नेपाल टेलिभिजन) तथा विःपी कोईराला ममोरियल प्लानेटेरियम अब्जरभेटरी र विज्ञान सङग्रहालय विकास समिति) र देउराली चाम्लिङ (स्वतन्त्र पत्रकार) छन् ।

आरोहणको लागि आर्थिक, भौतिक तथा सामाजिक सहयोग जुटाउन अहिले टोली खटिरहेका छन् । पहिलो चरणको तालिम अन्र्तरगत दोलखाको रोलवालिङस्थित यालुङरी र रामदुङ हिमालको सफल आरोहण गरीसकेका छन् । टोलीले सगरमाथा आरोहण गर्नु अगाडि लोभुचे हिमाल आरोहण गर्ने तालिका रहेको छ । नेपाल पत्रकार महासंघको व्यानरमा आरोहण गर्न लागेका महिला पत्रकार टोलीलाई किर्तीमानी आरोहि फुर्वा तेन्जिङ शेर्पाले प्रशिक्षण गराइरहेका छन् ।

एक वर्ष देखि तालिम र तयारीमा रहेका टोलीलाई चाईनाको आर्कटस कम्पनी, ड्रिमर्स डेस्टिनेसन टे«क एण्ड एक्स्पिडिसन कम्पनी, बाराह ज्वेलरी, कृपा फाउण्डेशन, एड्भान्स सिमेन्ट, नर्भिक हस्पिटल, साहस स्पोटर्स, पञ्चकन्या गु्रप, कृषि विकास बैक, माछापुच्छे« बैक लयागतको आर्थिक सहयोग रहेको छ । यो आरोहि समुहले सगरमाथाको बेस क्याम्पबाट चुचुरो सम्म हरेक क्याम्पबाट प्रत्यक्ष प्रसारण गर्ने तयारी रहेको छ । नेपाल टलिभिजनबाट यसको प्रत्यक्ष प्रसारण हुनेछ भने यसको सयोजन आईफो टेक्नोलिजीले गर्नेछ ।