7 years ago
February 22, 2018
काठमाडौं (हाम्रो खेलकुद)– विभागीय टोली नेपाल पुलिस क्लबलाई पछि पार्दै पश्चिमाञ्चल विकास क्षेत्र तेस्रो संस्करणको प्रधान सेनापति राष्ट्रिय पुरुष भलिबल प्रतियोगिताको समूह ‘बी’ को विजेताको रुपमा सेमिफाइनलमा प्रवेश गरेको छ । समूह ‘ए’ बाट त्रिभुवन आर्मी क्लब समूह विजेता बन्यो ।
लगनखेलस्थित सैनिक शारीरिक तथा खेलकुद केन्द्रको कर्भडहलमा बिहिबार भएको प्रतिस्पर्धात्मक खेलमा पश्चिमाञ्चलले पुलिसमाथि ३–२ को संघर्षपूर्ण जित निकाल्दै समूह ‘बी’ विजेता बन्न सफ भएको हो । शुरुवाती दुई सेट नै २५–२२ र २५–२० ले आफ्नो पक्षमा पारेर पुलिसलाई दवावमा राखेको पश्चिमाञ्चलले तेस्रो सेट भने, १८–२५ ले गुमाएको थियो ।
रोमाञ्चक र प्रतिस्पर्धात्मक बनेको चौथो सेटमा पुलिसले २९अग्रता लिएर पनि २९–२७ ले आफ्नो पक्षमा पार्दै खेललाई २–२ सेटको बराबरीमा पु¥याएका थिए । निर्णायक सेटमा भने पश्चिमाञ्चलले १५–११ ले खेललाई आफ्नो पक्षमा पार्दै पुलिसमाथि ३–२ को कठिन जित निकाल्यो । हारका बावजुत पनि पुलिस समूह उपविजेता बन्दै अन्तिम चारमा पुग्ग्न सफल भयो ।
यस्तै आर्मीले सुदूर पश्चिमाञ्चलमाथि २५–११, २५–१२ र २५–१० को सहज जित निकाल्दै अपराजित रहँदै सेमिफाइनलमा पुग्न सफल भयो । मध्यपश्चिममाथि २५–१३, २५–१४ र २५–७ को सहज जित निकाल्दै नेपाल एपीएफ क्लब समूह उपविजेता बन्यो । समूह ‘बी’ अर्को खेलमा पूर्वाञ्चलले मध्यमाञ्चलमाथि ३–१ को जित नकाल्दै प्रतियोगितामा सान्तवना जित निकाल्न सफल भयो ।
अब सेमिफाइनलमा पश्चिमाञ्चलले समूह ‘ए’ को उपविजेता एपीएफसँग प्रतिस्पर्धा गर्नेछ । अर्को सेमिफाइनलमा आर्मीले समूह ‘बी’ को उपविजेता पुलिससँग खेल्नेछ । दुवै सेमिफाइनल शुक्रबार हुनेछ । लिग कम नकआउटको आधारमा हुने प्रतियोगिताको विजेताले ३ लाख रुपैया प्राप्त गर्नेछ । दोस्रो हुनेले १ लाख ५० हजार र तेस्रो हुनेले ७५ हजार प्राप्त गर्नेछ । यस्तै प्रतियोगिताको उत्कृष्ट स्पाइकर, ब्लकर, डिफेन्डर, लिफ्टर र प्रशिक्षकले समान १० हजार प्राप्त गर्नेछन् ।
September 29, 2024
काठमाडौं (हाम्रो खेलकुद)- पिस फिटनेस सेन्टरले आयोजना गरेको सातौं ब्याडमिन्टन प्रतियोगिताको खुल्ला मेन्स डबल्समा सुदीप बस्नेत र कृष्णहरि प्रसाईको जोडी विजयी भएको छ । सुदीप र कृष्णहरिको जोडीले आइतवारको फाइनलमा माधव आचार्य र सूर्य कडरियाको जोडीलाई २१-१९ र २५-२३ को सोझो सेटमा पराजित गर्दै उपाधि जितेको हो । सुदीप अमरसिंह ब्याडमिन्टन क्लबका हुन् भने कृष्णहरि […]
September 29, 2024
काठमाडौं (हाम्रो खेलकुद)- एसिया रग्बी इमिरेट्स सेभेन्स ट्रफी–२०२४ मा सहभागिता जनाउने नेपाली टोलीको घोषणा भएको छ । संघले आइतवार महिला र पुरुष टोलीको घोषणा गरेको हो । एसिया रग्बी आयोजना र नेपाल रग्बी संघको व्यवस्थापनमा असोज १८ र १९ गते त्रिपुरेश्वरस्थित दशरथ रंगशालामा प्रतियोगिता हुन लागेको हो । महिलातर्फ आशा कुँसार, पुनम भुजेल श्रेष्ठ, सुस्मिता […]
September 29, 2024
काठमाडौं (हाम्रो खेलकुद)- नेपालका नम्बर एक एमेच्योर गल्फर सदभाव आचार्यले एसिया-प्यासिफिक एमेच्योर च्याम्पियनसिपमा नेपालको प्रतिनिधित्व गर्ने भएका छन् । सदभावलाई राष्ट्रिय खेलकुद परिषद (राखेप) का सदस्य सचिव टंक लाल घिसिङले आइतवार बिदाइ गरे। सदस्य सचिव घिसिङले एसियाका टप एमेच्योर गल्फर आउने यो प्रतियोगितामा उत्कृष्ट प्रदर्शनका लागि शुभकामना दिए। नेपाल गल्फ संघका अध्यक्ष टासी घलेले एसिया-प्यासिफिक […]