काठमाडौं (हाम्रो खेलकुद) – समाचार संकलनका लागि आइतबार रोयल सिंह होटल पुगेका खेलकुद पत्रकार प्रकाश कडेँलमाथि दुव्र्यवहार भएको छ । नेपाल रिङ रेस्लिङ संघको आयोजनामा रोयल सिंगी होटलमा भएको पत्रकार सम्मेलनमा अमेरिकी रेस्लर जिजस मालिकीले दुव्र्यवहार गरेका हुन् ।

नेपाल खेलकुद पत्रकार मञ्चका सदस्य एवं नयाँ पत्रिका दैनिकमा कार्यरत प्रकाशले सम्मेलनमा प्रश्न सोधे पछि एक्कासी रेस्लर जिजसले कडेँललाई बराम्बर दुव्र्यवहार गरेका थिए । कँडेलले सुरुमा नाटक जस्तो लागे पनि पछि उनले धम्कीपूर्ण शब्द बराम्बार बोलेको बताए ।

उक्त दुव्र्यवहारबारे मञ्चले घोर भत्र्सना गर्दै दोषीमाथि कारवाहीको माग गरेको छ । ‘अमेरिकी रेस्लर जिजस मालिकीले धम्कीपूर्ण भाषा प्रयोग गर्दै हात हाल्नेसम्मको प्रयास गरेकाले यसमा मञ्चको गम्भीर ध्यानाकर्षण भएको छ । यो प्रेस तथा अभिव्यक्ति स्वतन्त्रतामाथिको हनन भएको मञ्चको ठहर छ ।

त्यस घटनामा संलग्नलाई दोषीउपर कारवाही र आयोजक संघलाई सार्वजनिक रुपमा माफी माग्न अविलम्ब माग गर्दछ ’मञ्चका सचिव राजु घिसिङले जारी गरेको विज्ञप्तीमा भनिएको छ । उक्त घटनाबारे मञ्चले नेपाल पत्रकार महासंघ र राष्ट्रिय खेलकुद परिषद्को पनि ध्यानकर्षण गराएको छ ।

संघले अर्को महिना पोखरामा ४ देशका खेलाडीको सहभागितामा पोखरामा आरडब्लु आयोजना गर्ने जानकारी दिएको थियो । जसमा नेपाल, अमेरिका, भारतका पुरुष खेलाडीले तथा रसियाका महिला रेस्लरले भाग लिने बताइएको थियो । होलीको अवसरमा पोखरा रंगशालामा फागुन १८ गते रिङ रेस्लिङ हुने पत्रकार सम्मेलनमा जानकारी दिइयो । रेस्लिङको डिस होम एक्सन स्पोर्टसले प्रत्यक्ष प्रसारण गर्ने बताइएको छ ।