7 years ago
February 10, 2018
चितवन (हाम्रो खेलकुद)– चितवनको पटिहानीमा प्रथम मेयर कप अन्तर्राष्ट्रिय आमन्त्रण महिला भलिबल प्रतियोगिता–२०७४ आजबाट सुरु भएको छ । प्रतियोगिताको पूर्व प्रधानमन्त्री पुष्पकमल दाहालले उद्घाटन गरेका छन् ।
प्रतियोगिताको पहिलो दिनको खेलमा न्यू डायमण्ड, नेपाल आर्मी र एपीएफ विजयी भएका छन् । पहिलो खेलमा बलियो मानिएको शिवम न्यू डायमण्डले भारतको हरियाणा पुलिसको महिला टिमलाई ३–० को सेटमा सजिलै पराजित ग¥यो । पहिलो सेटमा २५–२० को जित हात पारेको डायमण्डले दोस्रोमा २५–७ र तेस्रो सेटमा २५–१५ को जित हात पा¥यो ।
समूह ‘बी’ मा रहेको डायमण्डलाई दोस्रो चरण प्रवेशका लागि उत्कृष्ट सफलता मिलेको छ भने हारले हरियाणाको खतरा बढेको छ । समूह ‘बी’मा तीन टिम छन् । अर्को खेलमा आइतबार बिहान ९ बजे हरियाणाले नेपाल पुलिस क्लबको सामना गर्ने प्रचारप्रसार संयोजक रामहरि सेढाईंले जानकारी दिए ।
समूह ‘ए’ कोे अर्को खेलमा सशस्त्र प्रहरीको एपीएफ क्लबले इफ्याट बंगलादेशलाई ३–० को सेटमा पराजित गरे । बलियो एपीएफसमक्ष बंगलादेशी टिम निरीह देखियो । एपीएफले बंगलादेशमाथि २५–६, २५–७ र २५–७ को जित दर्ता गरायो । शनिबार नै भएको अर्को खेलमा गृहजिल्लाको टिम चितवन टाइगरलाई अर्को विभागीय टिम नेपाल आर्मीले सोझो सेटमा नै पराजित ग¥यो । समूह ‘बी’ को यो खेलमा आर्मीले २५–१२, २५–१५ र २५–१० को जित निकाल्यो ।
प्रतियोगितामा सहभागी ७ टिमलाई २ समूहमा विभाजन गरिएको छ । समूह ‘ए’ मा एपीएफ, नेपाल आर्मी, चितवन टाइगर र बंगलादेश छन् ।
दुई समूहबाट दुई–दुई टोलीलाई सेमिफाइनलमा लगिने म्याच कमिस्नार लेखनाथ शर्मा पराजुलीले जानकारी दिए । भरतपुर–२२ पटिहानीको आधारभूत विद्यालय धनौजीको खेलमैदानमा भइरहेको प्रतियोगिता आगामी फागुन १ गते महाशिवरात्रिको दिनसम्म सञ्चालन गरिने प्रचारप्रसार समिति संयोजक रामहरि सेढाईंले जानकारी दिए ।
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
पोखरा (हाम्रो खेलकुद)- लामाचौर कप भलिबल प्रतियोगिताको पुरुषतर्फ नेपाल पुलिस क्लब च्याम्पियन बनेको छ । शनिवार भएको फाइनलमा एपिएफलाई ३-२ को सेटमा हराउँदै पुलिसले उपाधि जितेको हो । नव आदर्श सामुदायिक विकास समाजले आफ्नो वार्षिकोत्सव तथा हरितालिका तीजको अवसरमा लामाचौर कप राष्ट्रिय भलिबल च्याम्पियनसिपको आयोजना गरेको थियो । पुलिसले पहिलो सेट २५–१६ को सहज जित […]