काठमाडौं (हाम्रो खेलकुद) – नेपाली राष्ट्रिय भलिबल टोलीले आइतबार मैत्रिपूर्ण खेलमा हङकङलाई ३–२ को सेटमा पराजित गरेको छ । ३४ बर्षपछि भएको भेटमा हङकङको यान चाउ कोक स्पोर्टस सेन्टरमा नेपालले हङकङलाई २३–२५, २८–२६, २५–२१, २१–२५, १७–१५ को सेटमा हराएको हो ।

तस्बिर सौजन्य : एनएसजेएफ

नेपालका मुख्य प्रशिक्षक वीरेन्द्रप्रसाद चौधरीले सुरुमा खेलाडी केहि अलमलिए जस्तो देखेपनि पछि लयमा फर्केको बताए ।‘ घरेलु टोली पनि राम्रो हो । हामीले विश्वास गरेका केही खेलाडीले सोचे जस्तो खेल्न साकेनन्, उनले भने, खासमा मानबहादुरले सोचे जस्तो खेल्न सकेनन्, उनले राम्रो खेलेको भए हामी सिधा ३ सेटमा जित्न सक्थेऊ ।’

हङकङका मुख्य प्रशिक्षक याउ होक चुनले लामो यात्रा गरेर आएकाले नेपाली टोली केही थाके जस्तो देखिएको बताए । उनले थपे, त्यसैले पहिलो सेट उनिहरूको लागि वार्म अप जस्तो भयो । पछि उनिहरूले राम्रो खेले । आजको कमजोरीलाई गम्भिर रूपमा बिश्लेषण गरी राम्रो गर्ने छौ ।’

नेपाली टोलीका कप्तान इम रानामगरले भने, ‘सुरु उनिहरूको खेल बुझ्न समय लाग्यो । हाम्रो पनि तालमेल मिल्न सकेको थिएन । पछि उनिहरूको खेल बुझे पछि राम्रो गरेउ । रीसिभमा राम्रो हुन सकेको छैन भोली त्यसमा सुधार गर्नेछौ ।’

तस्बिर सौजन्य : एनएसजेएफ