7 years ago
January 10, 2018
काठमाडौं (हाम्रो खेलकुद) – नेपाल पुलिस क्लबले ३९ औं हुआवे राष्ट्रिय टेबल टेनिस प्रतियोगिताको पहिलो दिन बुधबार महिला र पुरुष दुवै टिम इभेन्टमा स्वर्ण पदक जितेको छ । राखेप च्याम्पियनसिप अन्तर्गतको प्रतियोगितामा पुलिसले दुवैतर्फ फाइनलमा छुट्टाछुट्टै विभागीय टोलीलाई पराजित गर्दै उपाधि जितेको हो ।
फाइनलमा पुरुषतर्फ त्रिभुवन आर्मी क्लबलाई ३–० ले पाखा लगाएको पुलिसले महिलातर्फ भने एपीएफसँग ३–२ को प्रतिस्पर्धात्मक खेल खेल्यो । पुरुषतर्फ पुलिसका लागि नम्बर १ स्यान्टु श्रेष्ठले चन्दन शाहीलाई ११–४, ११–५,११–५ को सोझो सेटमा पराजित गरे । दिप सावन र विनेश खनियाले पनि सोझो सेटमै जित हात पारे ।
महिलातर्फ नविता श्रेष्ठले दुवै खेल जितेपछि पुलिसको जित सम्भव भएको थियो । नेपाल नम्बर १ खेलाडी नविताले सिक्का सुवाल र सेलिषा खड्गीलाई पराजित गरेकी थिइन् । पुलिसको लागि तेस्रो जित भने एलिना महर्जनले हात परिन । उनले सिक्क सुवाललाई ११–७, ११–६, १२–१० को स्कोरले हराइन् । एपीएफका लागि सेलिशा खड्गी र अनिता महर्जनले १-१ खेल जितेका थिए ।
प्रतियोगिताको दोस्रो दिन सिंगल्स तर्फका खेल हुनेछ । लैनचौरस्थित राष्ट्रिय टेबल टेनिस प्रशिक्षण केन्द्रमा जारी प्रतियोगितामा ३ सय खेलाडीको सहभागी रहेको छ । प्रतियोगिताको उद्घाटन नेपाल ओलम्पिक कमिटिका अध्यक्ष जीवनराम श्रेष्ठले गरेका थिए ।
November 22, 2024
काठमाडौं (हाम्रो खेलकुद)- फाल्डो जुनियर टुर युरोप ग्रान्ड फाइनल २८औं संस्करणको यु-२१ तर्फको उपाधि विजेता नेपालका नम्बर एक एमेच्योर गल्फर सदभाव आचार्य स्वदेश फर्किएका छन्। सदभावलाई त्रिभुवन अन्तर्राष्टिय विमानस्थलमा आज राष्ट्रिय खेलकुद परिषदका सदस्य सचिव टंकलाल घिसिङ, नेपाल गल्फ संघका अध्यक्ष टासी घले तथा संघका पदाधिकारीहरुले स्वागत गरे। नेपाली खेलाडीले फाल्डो सिरिज अन्तर्गत ग्रान्ड फाइनलमा […]
November 22, 2024
काठमाडौं (हाम्रो खेलकुद)- यार्सागुम्बा एभरेष्ट हर्ब्स प्रोसेसिंङ प्रालिले यसै महिना हुने काभा क्लब च्याम्पियनसिप खेल्ने तयारीमा रहेको टिप टप हेल्प नेपाल स्पोर्ट्स क्लबलाई सह प्रयोजन गरेको छ। एभरेष्ट हर्ब्सका प्रबन्ध निर्देशक तथा प्रमुख कार्यकारी अधिकृत बिसु विक्की गोयन्काले नेपालको राष्ट्रिय खेल भलिबलको वृद्धि र विकासमा निकै महत्वपूर्ण योगदान दिँदै आइरहेको यस हेल्प नेपालसँग आबद्ध हुन […]
November 21, 2024
काठमाडौं (हाम्रो खेलकुद)- नेपालका नम्बर एक एमेच्योर गल्फर सदभाव आचार्यले २८औं संस्करणको फाल्डो जुनियर टुर युरोप ग्रान्ड फाइनल अन्तर्गत यु-२१ तर्फको उपाधि जितेका छन्। नेपालले फाल्डो सिरिज ग्रान्ड फाइनलमा उपाधि जितेको यो पहिलो पटक हो। सदभाव ओभरअलतर्फ दोस्रो भए।युएईको आबुधाबीस्थित अल आइन इक्वेसटेरियन सुटिङ एण्ड गल्फ क्लबमा भएको प्रतियोगिताको अन्तिम दिन बिहीवार १-अन्डर ६९ स्कोर […]
