काठमाडौं (हाम्रो खेलकुद) – ‘समानताका लागी बुलन्द आवाज’ भन्ने नाराका साथ चैतमा सगरमाथा आरोहण गर्ने तयारीमा रहेको प्रथम महिला पत्रकार आरोहण २०१८ टालीलाई प्रधानमन्त्री शेरबहादुर देउवाले शुभकामना दिएका छन् ।

बाालुवाटार स्थित प्रधानमन्त्री निवासमा शनिबार भएको भेटघाटमा प्रधान मन्त्री देउवाले उक्त टोलीको अभियानका लागी आवश्यक सगरमाथा आरोहण दस्तुर, मन्त्री परिषद्बाट यथासक्दो आर्थिक सहयोग लगायतका सहयोग गर्ने प्रतिबद्धता जनाएका छन् । प्रधानमन्त्री देउवाले टोली सदस्यलाई बहादुर र साहसी महिलाको संज्ञा दिएका छन् ।

आरोहण टोलीमा रोशा बस्नेत (राष्ट्रिय समाचार समिति), खेलकुद पत्रकार प्रियालक्ष्मी कार्की, (न्यूज २४ टेलिभिजन), कल्पना महर्जन, (मेघा टेलिभिजन), रोजिता बुद्धाचार्य (नेपाल टेलिभिजन तथा विःपी कोईराला ममोरियल प्लानेटेरियम अब्जरभेटरी र विज्ञान सङग्रहालय विकास समिति) र देउराली चाम्लिङ (स्वतन्त्र पत्रकार) छन् ।

चैतमा आरोहणको तयारीमा रहेको टोली अहिले आर्थिक, भौतिक तथा सामाजिक सहयोग जुटाउनमा व्यस्त छ । आरोहण टोलीका सदस्इले आरोहण सम्बन्धी पहिलो चरणको तालिम अन्तगर्त दोलखाको रोलवालिङ स्थित यालुङरी र रामदुङ हिमाल आरोहण गरीसकेका छन् । नेपाल पत्रकार महासघको ब्यानरमा जान लागेका महिला पत्रकार टोलीलाई किर्तीमानी आरोहि फुर्वा तेन्जिङ शेर्पाले प्रशिक्षण गराइरहेका छन् ।