पोखरा (हाम्रो खेलकुद) – राखेप च्याम्पियनअन्तर्गत राष्ट्रिय ह्यान्डबल अन्तर्गत पुरुषतर्फ त्रिभुवन आर्मी क्लब , नेपाल एपिएफ क्लब, पश्चिमाञ्चल र मध्यमाञ्चल सेमिफाइनलमा पुगेका छन् । पोखरा रंगशालामा जारी पुरुष १८ औं राष्ट्रिय प्रतियोगिता समेत रहेको ह्यान्डबलमा शुक्रबार सेमिफाइनलमा दुई विभागिय टोली आर्मी र एपिएफ तथा पश्चिमाञ्चल र मध्यमाञ्चलबीच प्रतिस्पर्धा हुनेछ ।

नवौं महिला राष्ट्रिय ह्याण्डबल प्रतियोगितामा शुक्रबारको सेमिफाइनलमा एपिएफ र पूर्वाञ्चल तथा आर्मी र पश्चिमाञ्चलबीच हुनेछ । आज भएको पुरुषतफउको खेलमा मध्य पश्चिमाञ्चलले सुदूर पश्चिमाञ्चललाई १४–९ले, पश्चिमाञ्चलले पूर्वाञ्चललाई ३५–१० ले, आर्मीले मध्यपश्चिमाञ्चललाई ३६–१०ले हरायो । मध्यमाञ्चलले सुदूर पश्चिमाञ्चललाई २४–१४ ले र लिग चरणको अन्तिम खेलमा एपिएफले पूर्वाञ्चललाई ३७–७ ले हरायो ।

आज महिलातर्फका पनि ५ खेल भए । जसमा एपिएफले पश्चिमाञ्चललाई ३८–७, आर्मीले मध्यमाञ्चललाई २९–१, एपिएफले मध्य पश्चिमाञ्चललाई ३०–१ ले हरायो । पूर्वाअञ्चलले मध्यमाञ्चललाई २८–२ र लिगको अन्तिम खेलमा पश्चिमाञ्चलले सुदूर पश्चिमाञ्चललाई २१–० ले पराजित गर्यो ।
नेपाल ह्याण्डबल संघको तत्वाधान, कास्की जिल्ला ह्याण्डबल संघको आयोजना हङकङ व्यूटि ईन्स्टिच्यूट प्रालिको मूख्य प्रायोजनमा संचालन भएको प्रतियोगिता शनिबार सम्पन्न हुनेछ ।