7 years ago
January 3, 2018
पोखरा (हाम्रो खेलकुद) – राखेप च्याम्पियनसिप अन्र्तगत राष्ट्रिय ह्याण्डबल प्रतियोगिता पोखरामा आज सुरु भएको छ । पोखरा रंगशालामा भएको १८ औं पुरुष ह्याण्डवल प्रतियोगिताको उद्घाटन खेलमा घरेलु टिम पश्चिमाञ्चलले विजयी सुरुवात गरेको छ । पश्चिमाञ्चलले विभागिय टोली नेपाल एपिएफलाई ३०–२२ गोल अन्तरले पराजित गरेको हो । खेलको दुई मिनेटमै एपिएफका गोल रक्षक राम बाबु यादयले रातो कार्ड पाए पछि मैदानबाट बाहिरिएका थिए ।
पुरुष तर्फको अन्य खेलमा त्रिभुवन आर्मी क्लबले दोहोरो जित हासिल गर्दा मध्यमाञ्चलले एक खेलमा जितेकोे छ । आर्मीले सुदुर पश्चिमाञ्चललाई ३८–१२ को फराकिलो गोल अन्तरले पराजित गर्यो । अर्का खेलमा मध्यमाञ्चलले मध्य पश्चिमाञ्चललाई २६–१४ ले हरायो । त्यस्तै आर्मीले मध्यमाञ्चललाई २८–७ ले पराजित गर्यो ।
नेपाल ह्याण्डबल संघको तत्वाधान, कास्की जिल्ला ह्याण्डबल संघको आयोजना पोखरामा बुधबार देखि सुरु भएको ९ औं महिला राष्ट्रिय ह्याण्डबल प्रतियोगिताको पहिलो दिनको खेलमा एपिएफ, पश्चिमाञ्चल, आर्मीले जित हासिल गरेका छन भने बुधबारको अन्तिम खेलमा मध्यमाञ्चल र सुदुर पश्चिमाञ्चलले ३–३ को बराबरी खेलेका छन् । एपिएफले सुदुर पश्चिमाञ्चललाई ४३–३ ले मश्चिमाञ्चलले मध्य पश्चिमाञ्चललाई २१–३ ले, आर्मीले पुर्वाञ्चललाई २१–३ ले हरायो ।
विहिबार पनि लिग चरणका खेलहरु हुने भएको कास्की जिल्ला ह्याण्डबल संघका बरिष्ठ उपाध्यक्ष चित्र थापाले बताए । प्रबेश निशुल्क रहेको उक्त प्रतियोगिता भलिवल प्रशिक्षण केन्द्रको परिसरमा पुरुष तर्फ र रंगशालाको पुर्वपट्टिको भागमा महिला तर्फको खेल संचालन भएको छ ।
हङकङ व्यूटि ईन्स्टिच्यूट प्रालिको मूख्य प्रायोजनमा संचालन भइरहेको प्रतियोगिताको दुवैतर्फ प्रतियोगितामा पाँच विकास क्षेत्र, एपिएफ नेपाली सेना गरि ७ टोलीको सहभागिता रहेको छ । पुस २२ गतेसम्म पोखरामा संचालन हुने प्रतियोगितामा दुवैतर्फका विजेताले समान ३०, दोस्रो हुनेले २० र तेस्रो हुनेले १० हजार रुपैयाँ प्राप्त गर्नेछन् ।
प्रतियोगिता बाट उत्कृष्ट खेलाडीहरु छनौट गरि सन २०१९ मा नेपालमा आयोजना हुने १३ औ दक्षिण एसियाली खेलकुद (साग) खेलका लागि खेलाडी छनोट गरिने हुँदा यो प्रतिोगितालाई महत्वका साथ हेरेको छ । प्रतियोगिताका उत्कृष्ट महिला र पुरुष खेलाडीले वल्र्ड भिजन मोबइल प्राप्त गरे ।
पोखरा लेखनाथ महानगरपालिकाका मेयर मानबहादुर जिसीले प्रतियोगिताको उद्घाटन गरे । गरेका हुन । मेयर जिसीले पोखराको खेलकुद पर्यटन विकासको लागि महानगरपालिकाले गुरु योजना बनाउने तयारी गरेको बताए । ‘पोखरा लेखनाथ महानगरपालिका पोखराको खेलकुद र पर्यटनको विकास गर्न चाहान्छ, हामीले ३३ वटै वडामा विभिन्न खेल पर्यटनको विकास गराउन चाहान्छौं’, उनले भने, ‘यसका लागि हामीले आगामी केहि महिनामा खेलकुदको गुरु योजना ल्याउदै छौं । खेलाडीहरुलाई प्रोत्साहन गर्ने गरी स्वस्थ्यताको लागि घर घरमा खेलकुदको बारेमा सचेतना गराउने उनले बताए ।’
नेपाल ह्याण्डवल संघका अध्यक्ष तथा ओलम्पिक कमिटिका सदस्य तेज गुरुङले नेपालमा ह्याण्डवल खेलको धेरै सम्भावना रहेको बताए । साग खेलमा नेपालको सेमिफाईनलको स्थान रहेकोले यसको विकास गर्न सके पदकको आशा हुने उनले विश्वास व्यक्त गरे ।
October 4, 2024
काठमाडौं (हाम्रो खेलकुद)- स्टार कराते खेलाडी एरिका गुरूङले इटलीमा हुने वल्ड कराते च्याम्पियनसिप क्याडेट जुनियर यु-२१ मा प्रतिस्पर्धा गर्ने भएकी छिन् । उनलाई आज राष्ट्रिय खेलकुद परिषद ( राखेप) का सदस्य सचिव टंकलाल घिसिङले बिदाइ गरे। पछिल्लो एकवर्षको खेल यात्रा एरिकाको लोभलाग्दो छ। खेलेको सबै अन्तराष्ट्रिय प्रतियोगितामा पदक जितेकी छिन्। १९औं एसियाली खेलकुदमा रजत पदक […]
October 4, 2024
काठमाडौं (हाम्रो खेलकुद)– एभरेष्ट महिला भलिबल लिग (डडब्लुभिएल) मा ललितपुर क्विन्सले गण्डकी थन्डर्सको खेलाडीविरुद्ध प्रोटेस्ट गरेको छ । आफ्नो टोलीविरुद्धको खेलमा बिहीवारको खेलमा प्रतियोगिताको नियम विपरित खेलाडी खेलाइएको भन्दै ललितपुरले खेल सकिएलगत्तै उजुरी गरेको जनाएको छ । सो खेलमा गण्डकी ३–२ सेटले विजयी भएको थियो । आफ्नो टोलीविरुद्धको खेलमा बिहीवारको खेलमा प्रतियोगिताको नियम विपरित खेलाडी […]
October 4, 2024
काठमाडौं (हाम्रो खेलकुद)- गीता एभियशनको आयोजनामा शनिवार एभिएशन फुटसल प्रतियोगिता २०२४ हुने भएको छ। एक दिन चल्ने प्रतियोगितामा ७ वटा टोलीको सहभागिता रहनेछ। जसमा बुद्ध एयर, एनआरएफएफए, संस्कृति पर्यटन तथा नागरिक उड्डयन मन्त्रालय, सौर्य एयरलाइन्स, एयर डाइनेष्टी , नेपाल एयरलाइन्स, हिमालय एयरलाइन्स रहेका छन्। पहिलो खेल सौर्य एयरलाइन्स र हिमालय एयरलाइन्स, दोस्रो खेल एनआरएफएफ र […]