धर्मराजलाई फिटनेश फस्र्ट उपाधि

काठमाडौं (हाम्रो खेलकुद)– धर्मराज लिम्बुले तेश्रो मिस्टर फिटनेश फस्र्ट अन्तर खुला शारीरिक सुगठन च्याम्पियनसिप जितेका छन् । ६० केजी तौल समूहमा पहिलो स्थान प्राप्त गर्दै उन ओभरअल राउन्डमा प्रवेश गरेका थिए । ओभरअलमा ७० केजीका विजेता हिरण श्रेष्ठ दोस्रो भए भने ७० केजी माथिका दामोदर श्रेष्ठ तेस्रो भएका थिए । उपाधि विजेता धर्मराजले २५ हजार, हिरणले १५ र १० हजार रुपैयाँ पप्त गरे । प्रतियोगितामा कुवेर खत्री बेष्ट पोजर घोषित भए ।

सतुंगलको फिटनेश फस्र्ट क्लबको आयोजनामा भएको च्याम्पियनसिपको पुरुष स्पोर्टस् फिजिक १ सय ६५ से.मि.को प्रतिस्पर्धामा सुजन रोका विजयी भए । उनले ट्रफीसहित १० हजार रुपैयाँ प्राप्त गरे । शेखर खत्री दोस्रो र राजेश तामाङ तेस्रा भए । यस्तै १ सय ६५ से.मि. माथीको प्रतिस्पर्धामा शिव महर्जन विजयी भए । उनले १० हजार रुपैयाँसहित ट्रफी प्राप्त गरे । मनोज कटुवाल दोश्रो र दिपेन्द्र गिरी तेश्रा भए ।

तीन तौल समूहमा भएको प्रतिस्पर्धा भएको थियो । धर्मराज विजेत बनेको ६० केजीमा त्रिजोन मानन्धर दोस्रा र मनोज सुरखेती तेस्रा भए ।७० केजीमा अमर गमाल दोस्रो र सनत हमाल तेस्रा भए । त्यस्तै ७० केजी माथीको तौलमा मनोज श्रेष्ठ दोस्रा र प्रदीप वानियाँ तेस्रा भए । प्रतियोगितामा ५० खेलाडीको सहभागिता थियो ।