दुबईको किङ खानलाई हक्की उपाधि, फाइनलमा आर्मी पराजित

काठमाडौं (हाम्रो खेलकुद) – दुबईको किङ खान हक्की क्लबले दोस्रो किङ खान नेपाल इन्डोर पुरुष हक्की प्रतियोगिताको उपाधि जितेको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा शनिबार भएको फाइनलमा नेपाल आर्मीलाई ५–० ले हराउँदै किङ खान च्याम्पियन बनेको थियो ।

कप्तान अली खानको ह्याट्रिक र अली राजाको २ गोलको मद्दतमा किङ खानले उपाधि रक्षा गरेको थियो । पहिलो संस्करणमा पनि यीनै दुवै टोली फाइनल खेलेका थिए । किङ खानले ३० हजार र आर्मीले २० हजार रुपैयाँ प्राप्त गरेको थियो ।

नेपाल हक्की संघ र काठमाडौं हक्की क्लबको संयुक्त आयोजना भएको प्रतियोगितामा महेन्द्रनगरको हेल्प क्लबले तेस्रो स्थान प्राप्त गर्यो । भानु अग्रवाल र मितेश सिंहको समान २ गोलको मद्दतमा हेल्प क्लबले महेन्द्रनगरकै युनाइटेड क्लबलाई ४–३ गोलले हराएको थियो । हरायो । विजेताका भानु अग्रवाल र मितेश सिंहले २–२ गोल गरे । हेल्प क्लबले १० हजार रुपैयाँ प्राप्त गर्यो ।