अग्रिम, निरभ र अभिशेषलाई चेस उपाधि

काठमाडौं (हाम्रो खेलकुद)- नेपाल भारत मैत्री विद्यालय बुद्धिचाल प्रतियोगिताको छात्र यु ११ नेपालका अग्रिम सैजु, यु १३ को भारत सिक्किम चेस एसोसिएसन निरभ ढकाल र यु १५ सिक्किमकै अभिशेष प्रधानले उपाधि जितेका छन्।

यु ११ को चौथो चरणमा पेभेलियन चेस एकेडेमीका अग्रिमले सिक्किमका एसे एबर भुटियालाई पराजित गर्दै उपाधि पक्का गरे। अग्रिमले ७ अंक जोडे। आयोजक पुष्पसदन स्कुलका हार्दिक पन्त ६ अंकका दोश्रो भए । एसे एबर टाइब्रेकरमा तेश्रो भए ।

यसैगरी यु १३ छात्र तर्फ ६.५ अंकका साथ निराभले उपाधि जिते । समान ६ अंक जोडेका पाठशाला सेकेण्डरी स्कुलका ओस्कार पन्थी दोस्रो र त्रियोग हाई स्कुलका आभाष रिमाल तेस्रो भए।

यु १५ मा अभनिष ७ अंक जोडेर च्याम्पियन भए । आयोजकका सुप्रभ सागर श्रेष्ठ ५.५ अंक जोडेर दोश्रो र समान ५.५ अंक प्रोग्रेसिभ टाइब्रेकर प्वाइन्ट आधारमा मातृभूमि स्कुलका सविद प्रजापति तेस्रो भए ।छात्रातर्फको खेल आइतवार सकिएको थियो।