इन्डो नेपाल भलिबल – पुलिस फाइनलमा

सुमन अधिकारी,बुटवल

नेपाल पुलिस क्लब बुटवलमा जारी मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिप–२०८१ को फाइनलमा पुगेको छ ।

मंगलवार भएको पहिलो सेमिफाइनलमा भारतको गुजरात प्रदेश भलिबल एसोसियसनलाई संघर्षपूर्ण खेलमा हराउँदै फाइनलमा पुगेको हो ।

पुलिसले गुजरातलाई ३–१ को सेटमा हराएको हो । पुलिसले पहिलो सेटमा २५–२७ ले गुमाएपनि दोस्रो सेट २५ – १४ ले आफ्नो पक्षमा पार्यो ।

त्यसपछिको २ सेट पनि पुलिसले २५–२१ र चौथो सेट २७-२५ मा जित्दै अन्तिममा पुगेको हो । पुलिसले आजै हुने त्रिभुवन आर्मी क्लब र मणिमुकुन्द भलिबल क्लबकाबिचको विजेतासंग फाइनल खेल्नेछ ।

प्रतियोगिताको विजेताले ७ लाख ५० हजार, दोस्रो ३ लाख ५० हजार, तेस्रोले १ लाख ७५ हजार र चौथो टोलीले १ लाख रुपैयाँ पाउनेछ ।